Sálmos 138
138
Peduguéjnai David ipesudé Sálmo udaque.
1Yacãre babai, Pangarádejná, ome yáyipie jnese; iji dupa quedéjnane ore iquéode ga yicotai tu ua iji yiradedie udiji.
2Yichaga yigataidie aja jnumi iji baguíjna pirosobádi uté yui, ga yacãre bei ueradi gai uje érãtique bajnoraquédatéi eruénique cuse, jé aja báringai ũrepise. U gu uje bachajapite bei jé aja baruode udore ore aja cuchade udore ore gai jnese.
3Iji deréjnai uté uje yibidi ua, ga bachajnai yu jeta õre yáyipie etotiguei.
4Pangarádejná, peduguéjnane iji erámi údode a ore chicota ua jne, uje e ore chudute baruode uje tṍraji babijnani.
5Ga a ore chicha bátedatéode aja dachachagúgode jne, uje cuchadaté Pangarádejnai uté ingoningájnai.
6Pangarádejnai uté idájapise iji gatajnoquei uéchai, mu chidójnangapísa ayoré pajnotaguipísode ore; jé basa ga chajire dicotárechoquíode ore iji quedéjnai.
7Uje yiriguiji pujuré gajnéone cucha ujade marínga, bajuse yucuecaringuei guio aja yajesúode; bãrai bajmanai iji gaté yui ome yumajosórone udore ore ájningamíe, mu bãrachua u uje chiqueta yu ome udore ore.
8Pangarádejnai a pésu dáyipie quigode udore ome yu jne. Urénga, Pangarádejná, bajnoraquei uté érãtique chise deruénique jne. Jé ca ajíome bamaningone cucha iji te jmete uje bamanicho ome bajmainie gu.
Currently Selected:
Sálmos 138: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
