Sálmos 137
137
1Uje e yugúcoji tiedie udire uje déji puniri Babilónia uté, ga yichago yoquebiedie aja uté uje yácagoji, uje yujnusinángo Sión uaté iji uté gu.
2Yuguhéco yoquigode árpa iji poridie udire ujade uje i tu "sauce" iji ore uniri Babilónia uté.
3Yoquisasórone ore chiroque yoque aja ijñiecacai, ga udore ore uje ore doi dajosipiedie ome yoque ore chojningame yoque: –Anínaño uaque ga beyoi uacaradéraque uje qui u Sión.–
4¿Yocorási ringome ujeta yicoi yoquiradedie iji pachamite quedéjnarique? uje Pangarádejnai gajnei piradedie udire.
5Jerusalén á, jeta araja ti yicadígui ua, ga ajuéga ga yãrachua ca quejnapo to rĩ.
6Ajuéga jeta yarei catája yibájapitai, jeta jé ca yáyipie dépoji ua rĩ, Jerusalén á; ujeta jé ca Jerusalén sué yedójnarione cucha udore gai jnese ome yu.
7Pangarádejná, ca acadígui edómgosode ore adode iji diri tuté uje ore chojningame Jerusalén jnuéngaisórone udore ore:
–¡Ajnangaráso! ¡Ajnangaráso aja uaquejode, jé aja chaquipie!–
8¡Urénga, babilóniagosode uaque á, uje bajnangarase cuchade aja barosadode! Pininaquei gajnesṍri tu uté gosi uje a cho dajnutabádu re uje bapésu udore ome yoque gu.
9Pininaquei gajnesṍri u uté uje a chujé bape parátagabode jne ga a chinguíra ore aja cucarané jne.
Currently Selected:
Sálmos 137: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
