Sálmos 131
131
Piradé aja dajei iji Jerusalén yui. Peduguéjnai David iradé u.
1Pangarádejná, que yáyipie dicotare gotique, enga que yajire yirosadode caru, caru gotique ome yúringai ijoyataque. Que yo yáyugu yu ome cucha dacadode uje ibiracho quigode ome yu, uje que yitiógara cuchade udore gu.
2Mu e yáyipie cho paraque ga jé u uje tijode cho pujnúringome yu, ga yajnui tu disírique uje e cha daté ijnanie úringanie pucutei mu déji daté urúdi ga cho paráguiji uté. Yo disírique uje cho paraque ga jé yáyipie adi u uté.
3Urénga, israélgosode uaque á, anguretáyo Pangarádejnai uté yui ome uaque, jé iji de, jé aja siqueré uásejnanie iji uacaquei.
Currently Selected:
Sálmos 131: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
