Popular Bible Verses from Sálmos 131

Share

Mu e yáyipie cho paraque ga jé u uje tijode cho pujnúringome yu, ga yajnui tu disírique uje e cha daté ijnanie úringanie pucutei mu déji daté urúdi ga cho paráguiji uté. Yo disírique uje cho paraque ga jé yáyipie adi u uté.

Pangarádejná, que yáyipie dicotare gotique, enga que yajire yirosadode caru, caru gotique ome yúringai ijoyataque. Que yo yáyugu yu ome cucha dacadode uje ibiracho quigode ome yu, uje que yitiógara cuchade udore gu.