Sálmos 130
130
Piradé aja dajei iji Jerusalén yui.
1Idája yu iji guesi, mu yagoyé gajnesṍri jé u ua, Pangarádejná.
2Pangarádejná, angári yúringai udé dara. Ajuéga bangoninguinone ome yu jeta guesája gadoi ome yutoqué gajnéone cucha.
3Pangarádejná, a ajmitárase uyógome pate gajnaréngone, mu ¿gosi dérasi? jeta ojningame uté:
–Tepárique ua ome cucha gajnaréngone.–
4Mu ome ua, ga bamurase cuchade, uje bagaidi u gu ujeta pirosobate ua.
5Yirodi u Pangarádejnai, ga yejna yáyipie aja uté úringai pirodique; uté uru quigode u uje yangureta udore quigode yui ome yu.
6Yejna yáyipie aja Pangarádejnai uté úringai pirodique, ga yujnué irodicacade udore ore gai, uje ore gajnepídi u dejai ujeta ore chirote diri yui ome daroditique cucha. Jé ũré yu uje yujnué irodicacade udore ore gai, uje ore chirote diri yui ome daroditique cucha.
7¡Urénga, israélgosode uaque á, anguretáyo Pangarádejnai uté yui! U gu uje Pangarádejnai uté érãtique íjnoque osongaquei, ga que pejnaque uté úringai Piquetangore gotique.
8Uté upúsu uje a chirame israélgosode ore ome ore ate gajnaréngone jnese jne.
Currently Selected:
Sálmos 130: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
