Sálmos 114
114
1Uje israélgosode ore jnoji Egípto uté, uje Jacob jogasúode udore ore jnoji puru guichayade urúsorone udore ore gari,
2ga Judá uté nóña ga Dupade chicha dayarite pirosobádejnai aja uté; ga Dupade uté chicha dáringai peduguéjna cuchape aja puniri Israel uté, jeta chajire udore ore yui jnese.
3Uje yote quedéjna cuchábi chajire udore, ga chayo ¡jmuque! Jé basa ga ujoi yote quedéjna uje i tu Jordán chajnésaru daquigade.
4Ga cucarãte yoricode chãrai riji gatéode, cho áyasa choquíode ome isocai; jé basa ga cucarãte catadéode ore chosi áyasa ababidie uje ore chosi ¡chem! aja dajesúode.
5Yote quedéjná, ¿bajuré gajnetique cucha? uje bayo ¡bu! Jeoga Jordán, ¿cuchárique u gu a uje bajnésaru baquigade?
6Cucarãte yoríco á, ¿basocai uté quitique? uje bãrai ua iji gatéode ga barate áyasa ape choquíode udore ore isocai. Jeoga cucarãte catadábode suaque á, ¿jé basocai quitique? uje uacoyósi áyasa ape chógabídie aja uacajesúode.
7Jnumi á, atãraráji Pangarádejnai uté edominone. Atãraráji uté iquei uje Jacob angureni Dupa u uté.
8U gu uje uté pésu cucarané ga nóña ga gajño; cucarané timingue mu nóña ga simíjnai tṍraji uaté.
Currently Selected:
Sálmos 114: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
