Sálmos 113
113
1¡Picotaque Opejã Pangarádejnai!
Acotáyo uté, Pangarádejnai irógode uaque á. Acotáyo Pangarádejnai uté i.
2Picotaque Opejã Pangarádejnai uté i iji deréjnai tudé jé aja deréjna pitade jnese.
3Pangarádejnai uté i úringai picotaque jogadi tu guedé garani ga jé chuságaja guedé cacadi jnese.
4Pangarádejnai déji punirone jnese gai ome dáringai ujopíerãque cuchape; ga uté ingoningájnai déji gatajnoquei uté uéchai gaté.
5¿Gosi u jeta jé cho Pangarádejnai uté, uje Yocudupade u uté, uje uté charidi idájapísiji gatajnoquei,
6ga uté chosi riji jnumi ujetiga toji jnupe idájai udé gai jé aja gatajnoquei iji dádi?
7Pangarádejnai chiringare ayoré jmatai uté iji ijnámejnai gai, jé aja uté uje érãtique ugúcharique cuse, ga chijnime uté iji jnupuñúringai jogadi to.
8Ga pésu jeta ore chácariji eduguéjna ibijógode ore gari, iji ore idai uté uje peduguéjna ibijócho udore ore iji uté.
9Uté chisiapome chequé aberé gajnepídi ome to rĩ jeta pininaquei chise uaté ome úringa abechugué to iji daguíjnapísi.
¡Pisígai Opejã Pangarádejnai uté!
Currently Selected:
Sálmos 113: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
