رۆما 12

ژیانا نوی یا ب مەسیحی

1ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە. 2هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

3ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری. 4چنكو كا چەوا د لەشێ مە دا گەلەك ئەندام هەنە و كارێ هەمی ئەندامان ئێك نینە، 5هۆسا ئەم ژی یێن كو گەلەكین، د ئێكبوونا ل گەل مەسیحی دا لەشەكین و هەر ئێك ژ مە ئەندامێ یێن دییە. 6ئەڤجا مە بەهرەیێن ژ ئێك جودا هەنە، ل دویڤ وێ كەرەما بۆ مە هاتیە دان. ئەگەر بەهرە گەهاندنا پەیامێ بیت، بلا ل دویڤ رێژەیا باوەریێ بكەت. 7ئەگەر خزمەت بیت، بلا خزمەتێ بكەت. ئەگەر فێركرن بیت، بلا فێركرنێ بكەت. 8ئەگەر هاندان بیت، بلا هاندانێ بكەت. ئەوێ هاریكاریێ بكەت، بلا ب مەردینی بكەت. ئەوێ سەروەریێ بكەت، بلا ب دلگەرمی بكەت و ئەوێ دلۆڤانیێ دبەت، بلا ب دلخۆشی وە بكەت.#12‏:4‏-8 1 كورنتۆس 12‏:4‏-12

9بلا حەزژێكرن یا بێ دووڕویاتی بیت، كەربێ ژ خرابیێ راكەن، خۆ ب باشیێڤە بگرن. 10وەكو برا ژ دل حەز ژ ئێكودوو بكەن، د رێزگرتنێ دا ئێكودوو ب پێش خۆ بئێخن. 11د دلگەرمیێ دا سست نەبن، ب گیانەكێ ئاگرینی خزمەتا خودانی بكەن. 12د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن. 13بۆ پێدڤیێن پیرۆزكریان د هاریكار بن، د مێڤان حەوین بن.

14بەرەكەتێ بۆ وان بخوازن یێن هەوە تەپەسەر دكەن، بەرەكەتێ بۆ بخوازن و نفرینان لێ نەكەن.#12‏:14 مەتتا 5‏:44؛ لوقا 6‏:28 15ل گەل دلخۆشان د دلخۆش بن و ل گەل ئەوێن دگریێن بكەنە گری. 16ل گەل ئێكودوو د هەڤهزر بن. د دفنبلند نەبن، لێ تێكهەلیا پایەنزمان بكەن، خۆ ئاقلمەند نەدانن.#12‏:16 پەند 3‏:7 17خرابیێ ل وی ڤەنەگەڕینن یێ خرابیێ ل هەوە دكەت، لێ گرنگیێ ب وان تشتان بدەن یێن ب دیتنا هەمی مرۆڤان د باش. 18ئەگەر د شیان دا بیت، هندی ژ هەوە بهێت ب ئاشتی ل گەل هەمی مرۆڤان بژین. 19تۆلڤەكرنێ نەكەن گەلی خۆشتڤیان، لێ رێكێ بدەنە تۆڕەبوونا خودێ، چنكو یا هاتیە نڤیسین: «یا منە تۆلڤەكرن، ئەز دێ سزایێ دروست دەم، خودان دبێژیت.»#12‏:19 گۆتارا مووسای 32‏:35 20لێ: «ئەگەر دوژمنێ تە یێ برسی بیت، خوارنێ بدێ و ئەگەر یێ تێهنی بیت، ئاڤێ بدێ، چنكو ب ڤێ كریارێ، تۆ دێ پەلان ل سەر سەرێ وی كۆم كەی.»#12‏:20 پەند 25‏:21‏-22 21خرابی ب سەر تە نەكەڤیت، لێ تۆ ب باشیێ ب سەر خرابیێ بكەڤە.

Currently Selected:

رۆما 12: BHD

Highlight

Copy