Popular Bible Verses from رۆما 12

Share

هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن.

خرابی ب سەر تە نەكەڤیت، لێ تۆ ب باشیێ ب سەر خرابیێ بكەڤە.

وەكو برا ژ دل حەز ژ ئێكودوو بكەن، د رێزگرتنێ دا ئێكودوو ب پێش خۆ بئێخن.

بلا حەزژێكرن یا بێ دووڕویاتی بیت، كەربێ ژ خرابیێ راكەن، خۆ ب باشیێڤە بگرن.

ئەگەر د شیان دا بیت، هندی ژ هەوە بهێت ب ئاشتی ل گەل هەمی مرۆڤان بژین.

تۆلڤەكرنێ نەكەن گەلی خۆشتڤیان، لێ رێكێ بدەنە تۆڕەبوونا خودێ، چنكو یا هاتیە نڤیسین: «یا منە تۆلڤەكرن، ئەز دێ سزایێ دروست دەم، خودان دبێژیت.»

د دلگەرمیێ دا سست نەبن، ب گیانەكێ ئاگرینی خزمەتا خودانی بكەن.

ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری.

خرابیێ ل وی ڤەنەگەڕینن یێ خرابیێ ل هەوە دكەت، لێ گرنگیێ ب وان تشتان بدەن یێن ب دیتنا هەمی مرۆڤان د باش.

ل گەل ئێكودوو د هەڤهزر بن. د دفنبلند نەبن، لێ تێكهەلیا پایەنزمان بكەن، خۆ ئاقلمەند نەدانن.

لێ: «ئەگەر دوژمنێ تە یێ برسی بیت، خوارنێ بدێ و ئەگەر یێ تێهنی بیت، ئاڤێ بدێ، چنكو ب ڤێ كریارێ، تۆ دێ پەلان ل سەر سەرێ وی كۆم كەی.»

بەرەكەتێ بۆ وان بخوازن یێن هەوە تەپەسەر دكەن، بەرەكەتێ بۆ بخوازن و نفرینان لێ نەكەن. ل گەل دلخۆشان د دلخۆش بن و ل گەل ئەوێن دگریێن بكەنە گری.

بۆ پێدڤیێن پیرۆزكریان د هاریكار بن، د مێڤان حەوین بن.

چنكو كا چەوا د لەشێ مە دا گەلەك ئەندام هەنە و كارێ هەمی ئەندامان ئێك نینە، هۆسا ئەم ژی یێن كو گەلەكین، د ئێكبوونا ل گەل مەسیحی دا لەشەكین و هەر ئێك ژ مە ئەندامێ یێن دییە.