رۆما 13

ئەركێن مە ل بەرامبەری دەستهەلاتێن ڤێ جیهانێ

1بلا هەر كەسەك ملكەچی دەستهەلاتدارێن حكومەتێ بیت، چنكو چ دەستهەلاتدار نینن ژ لایێ خودێ ڤە نەبن، ئەڤجا ئەوێن هەین ژی ژ لایێ خودێ ڤە هاتینە دانان. 2لەوما یێ بەرهنگاریا دەستهەلاتداران بكەت، ئەو بەرهنگاریا دانانا خودێ دكەت و ئەوێن بەرهنگاریێ دكەن، دێ دادكرنێ ب سەرێ خۆ دا ئینن. 3چنكو حوكمڕان نە ژ بۆ كارێ باش، لێ ژ بۆ كارێ خراب جهێ ترسێنە. ما تە دڤێت ژ دەستهەلاتداری نەترسی؟ تشتێ باش بكە، دێ ژ لایێ وێ ڤە هێیە پەسنكرن#13‏:3 پەسن: مەدح و سەنا. 4چنكو ئەو خزمەتكارێ خودێیە ژ بۆ باشیا تە. لێ ئەگەر تۆ خرابیێ بكەی، بترسە، ژ بەر كو ئەو ژ قەستا شیری هەلناگریت. ئەو خزمەتكارێ خودێیە، دا تۆڕەبوونێ ب سەرێ خرابكاران دا بینیت. 5لەوما پێدڤیە ملكەچ بن، نە ب تنێ ژ بەر تۆڕەبوونێ، لێ ژ بەر وژدانا خۆ ژی. 6ژ بەر ڤێ چەندێ هوین خویكێ#13‏:6 خویك: ب عەرەبی ‹جزیة› ژی ددەن، چنكو ئەو خزمەتكارێن خودێنە و بەردەوام ڤی كاری دكەن.#13‏:6 مەتتا 22‏:21 7مافێ هەمی كەسان بدەنێ: ئەوێ مافێ خویكێ هەی، خویكێ بدەنێ. ئەوێ مافێ باجێ هەی، باجێ بدەنێ. ئەوێ مافێ ترسێ هەی، ترسێ بدەنێ و ئەوێ مافێ رێزگرتنێ هەی، رێزێ لێ بگرن.

حەزژێكرنا ئێكودوو یا برایانە

8ژبلی كو هوین حەز ژ ئێكودوو بكەن، ب چ تشتی قەردارێن كەسێ نەبن، چنكو یێ حەز ژ مرۆڤێن دی بكەت، ئەوی دەستوور ب ج‍‌ھ ئینا. 9ئەو فەرمانێن دبێژن: «دەهمەنپیسیێ نەكە»، «كوشتنێ نەكە»، «دزیێ نەكە»، «دلچوونا خراب نەكە#13‏:9 ئانكو دلێ خۆ نەبە ژن و مال و تشتێن كەسەكێ دی.»#13‏:9 دەركەفتن 20‏:13‏-15، 17؛ گۆتارا مووسای 5‏:17‏-19، 21 و هەر فەرمانەكا دی هەبیت، د ناڤ ڤێ گۆتنێ دا كۆمڤە دبن: «حەز ژ نێزیكێ خۆ بكە، وەك چەوا تۆ حەز ژ خۆ دكەی.»#13‏:9 پەرستن و پیرۆزی 19‏:18 10حەزژێكرن خرابیێ ل یێ نێزیك ناكەت، لەوما حەزژێكرن بجهئینانا دەستووریە.

هاندان بۆ رەفتارێن باش

11ڤێ چەندێ بكەن، چنكو هوین دزانن چ دەمە. ئەڤە دەمژمێر هات كو هوین ژ خەوێ هشیار ببن، ژ بەر كو قورتالبوونا مە، نوكە نێزیكترە ژ وی دەمێ مە باوەری ئینای. 12گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ. 13بلا رەفتارێن مە د بەڕێز بن، هەروەكو رۆژ بیت: نە ب ئاهەنگێن بێتۆرەیێ و سەرخۆشیێ، نە ب دەهمەنپیسیێ و بێدەلنگیێ، نە ب هەڤڕكیێ و چاڤپێنەڕابوونێ. 14لێ خۆ ب خودان عیسایێ مەسیح راپێچن و چ هزرێ بۆ تێركرنا داخوازێن سرۆشتێ خۆ یێ لەشكانی نەكەن.

Currently Selected:

رۆما 13: BHD

Highlight

Copy