APOCALIPSIS 8

Joya Ovejaja Bacuaejja jayojja poaniya papeni ejjajja jaa pea séptimo ecuiabaji bajjanijji jaa cajjacanaje

1Majoya aje joya Ovejaja Bacuaejja jayojja poaniya papeni ejjajja pea séptimo ecuiabaji bajjanijji jaa cajjacao'oyanaje. Ohua jama cajjacajeahuajo media hora queajecaneenee ponananaje eyahuasijjeyee.

2Majoya eyaya siete huisome ángel etii poanicuana joya Eyacuiñajji cojjaneijo nequiani pea huoojeajji poani banaje. Eyacuiñajjiya ojjaña ma siete huisome angelcuana baasa' emiajji quiacanaje. 3Majoya aje pea ángel oro edahuapejjajo ani shiyeshiye edahuashiyejji mejji poeyanaje altar oro equecua nequi cojjaneijo nequiya. Majo nequi oya queahuiso shiyeshiye edahuashiyejji quiacanaje altar equecuabiajje edahuashiyejji ma equii-anijjiai nequi cojjanei nequijo. Majoya ma angelya Eyacuiñajjija'yo poanicuanaja mimicuana huacanaje shiyeshiye edahuashiyejjitejjee Eyacuiñajjiyasijje edahuashiyejji. 4Jamajjeya ma ángel edahuashiyejji edahuapejjajo ani mejji nequiya dahuashiyecanaje. Majoya queahuichachashiye ba'esohuaquinaje Eyacuiñajjija'yo poanicuanaja oja mimicuana ojee Eyacuiñajji ojjañacuana huoojeapoquiajji ani cojjaneiyasijje. 5Majo nequiya aje ma angelya queahuiso cuaquicojjashae altarbiajje quiyoani oro edahuapejja edahuashiyejjiyasijje cuatajeameemajje huojjojeacanaje meshiyasijje. Ohua jama acajeahuajo cueji queataaasajanee ponananaje queahuisonee taaani jayojja, queashajjaquijjonee poani pea-ai shajja-ajjanaje. Baasiyohua jeaja'acanananaje, meshi pea-ai huehuahuehuanaje maneitiiya.

Angelcuaa ojaya baasa' miasajajeacanaje

6Majoya aje pea siete huisome angelcuana joya baasa' mejji poanicuana apoa epo nequinaje baasa' miajji.

7Jamajjeya majo nequi oe angelya oja baasa' ohua miacajo queahuisoneenee mejaca'a, cuaquijiji pea-ai ojee ena'tejjee oquenaje meshiyasijje. Majoya queahuisonee meshicuana esejja tercera parte quiyo'yonaje, queahuisoneenee acuicuana ebiojo nequica esejja tercera parte quiyopea-ai'yonaje, queahuisonee siponecuana pea-ai quiyo'yonaje.

8Majoya aje pea segundo angelya oja baasa' miapea-aicanaje. Ohua miacajo eyiyo jayojja queaquemoneenee jijiqui oquequinaje bae-aiai ani enahuasijje. Majoya queahuisonee bae-aiai ena esejja tercera parte ena' pojji po'yonaje quea-ihuinee. 9Jamajjeya ojjaña ma esejja queaquemonee bae-aiai enaojjojo nequicacuana, jaacacuana pea-ai manocuajica'yonaje bae-aiai ena' quea-ihuinee po'yajo. Queahuisonee bishe'aicuana jaanobiqui'yonaje bae-aiai ena' po'yajo.

10Majoya aje pea tercer angelya oja baasa' miapea-aicanaje. Ohua miacajo oe majameta queaquemonee queajeaja'anee jijiquitii oquenaje queahuisonee cueicuana jaahuasijje, bae queahuiso aniyasijje, ena queapame cuayaquiani queahuiso jaahuasijje pea-ai. 11Ma majameta “Queapase” bajjani poanaje. Oja bajjani jayojja ma majametaaya ena queahuisonee queapasenee, queatainee eishijji pomeeca'yonaje. Ma ena queapasenee ishimajje queahuisoneecuana manoca'yonaje.

12Majoya aje pea cuarto angelya oja baasa' miapea-aicanaje. Ohua miacajo eshequi, ba'i, majametacuana queahuiso pea-ai oemijijje queamisi ponananaje. Jamajjeya epojjajo eshequi miji peajje jiji'yojjimatii nequinaje. Mecajje ba'i, majametacuana pea-ai miji peajje jiji'yojjimatii nequinaje.

13Eyaya babaquitii nequiya banaje oe huipa quea-aonee cuabesa ba'e eyajo. Oya janobajjimanei mimije eyaya shajja-ajjanaje jama ba'a: “Jiquio meshijo ba'ecacuana acheyenoneenee pocaje. Ma pea tres angelya baasa' jjeyanei miacajo queacamajaneenee pocaje queahuisoneecuana.”

Currently Selected:

APOCALIPSIS 8: ESE

Highlight

Compare

Copy