APOCALIPSIS 7
7
Eyacuiñajjiya 144,000 huisome israelitacuana bahua jeasiicanaje ojaya'yo poani ojjañaja oya ebajji
1Majoya aje eyaya cuatro angelcuana cuatro miji meshijje nequi banaje. Oe eshequi jaasohuanimijijje nequinaje, pea ca eshequi oquequianimijijje nequinaje, pea eeno poquianimijijje nequinaje, pea ca eeno poeanimijijje nequinaje. Ma cuatro angelcuana queaca'anee nequinaje beni queyajji, beni poemeejjimanei pojji ojjaña meshiyasijje, bae-aiai enahuasijje, acui nequicahuasijje pea-ai. 2Majoya eyaya oe ángel eshequi jaasohuanimijijje poeje bapea-ainaje. Ma Eyacuiñajji eshetii nequija ebahua jeasiijji mejji oya nequinaje. Oya ma pea cuatro angelcuana queaca'anee nequiani ojjaña meshi, bae-aiaicuana, acui nequicacuana queatai pomee'yojji poani taaapoa jama ba'a: 3“A'a jii queatainee pomee'yojji so'o ojjaña meshicuana, bae-aiaicuana, ebiojo nequica acuicuana pea-ai eseja Eyacuiñajjijo chacochacopoquianicuana bahua jeasiijjimahuajo.”
4Eyaya shajja-ajjanaje 144.000 huisome israelitacuana Eyacuiñajjiya bahua jeasiimeecanaje. Israelitacuana mahuiso poanaje ba'a: 512.000 huisome Judaja osecuacuana poanaje, 12.000 huisome Rubenja osecuacuana poanaje, 12.000 huisome Gadja osecuacuana poanaje, 612.000 huisome Aserja osecuacuana poanaje, 12.000 huisome Neftalija osecuacuana poanaje, 12.000 huisome Manasesja osecuacuana poanaje, 712.000 huisome Simeonja osecuacuana poanaje, 12.000 huisome Levija osecuacuana poanaje, 12.000 huisome Isacarja osecuacuana poanaje, 812.000 huisome Zabulonja osecuacuana poanaje, 12.000 huisome Joseja osecuacuana poanaje, 12.000 huisome Benjaminja osecuacuana poanaje pea-ai.
Eyajo queahuisoneenee ejjachichaqui nequicacuana bacanaje Juanya
9Majoya aje eyaya queahuisoneenee ejjanequichichaqui nequica banaje, yajja sicome yajji queahuisoneenee poanajejojoya. Emeshimesenei quii-anijjiaijo, joya Ovejaja Bacuaejja jayojja poanija cojjaneijo pea-ai queahuisonee nequicanaje ojjaña pea esohuijo mimianicuana iyehuiso, ojjaña peajaajjicuana iyehuiso, ojjaña pea meshijo ba'ecacuana iyehuiso pea-ai. Ojjaña macuanaya daquiosheao yamijji nequi bapea-ainaje. Jememeiña mejji poanaje cuana queabihuinee. 10Ojjaña majo nequicacuana janobajjimanei taaanaje jama ba'a:
“Eseja Eyacuiñajji o quii-anijjiaijo eanioque ani,
joya Ovejaja Bacuaejja jayojja poani pea-ai
eseyaya bihuiaña ohuaya eseya nahueca'yonajeyajjejojoya.”
11Ojjañatii angelcuana queahuisoneenee ma 24 huisome etii poanicuana nequijo ejjanequiyiyoqui nequicanaje eyaya bapea-ainaje. Ma cuatro huisome yamijjicuana nequijo, Emeshimesenei quii-anijjiai nequijo pea-ai angelcuana ejjanequiyiyoqui nequicanaje. Ojjañatii majo queahuisoneeneecuana bahua jaaoquequinaje meshiyasijjeyee Eyacuiñajji o quii-anijjiaijo eanioque ani cojjaneijo o bihuiajji. 12Ojjañatii majo queahuisoneeneecuaa Eyacuiñajji jama bihuiame acanaje ba'a:
“E'e, jamaya.
Ejjabihuiatiitiiquipoqui esejaya Eyacuiñajji.
Oya queasajajanee, queasapaja'anee pea-ai poani ojjañacuanaja bacapoquijji.
Gracias amajamajacapoquijji oya.
Oya queapameneetii poani ojjañacuaa bacapoquijji.
Eyacuiñajji queaca'aneetii,
chama'nei ojaya queacamaja eajji.
Jamajjeya ejjabihuiatiitiiquipoqui oya.
E'e, jamaya oya queapameneenee poani cabacapoquiahua cuaa”
jama bihuiameya acanaje ma queahuisoneeneecuaa.
13Majoya aje oe etiiya ma 24 huisome etii poanicuananijje nequinajeya eya huohuiajjacanaje jama ba'a: “¿A'ya jiquio daquiosheao nequi yamijjicuana? ¿Achejje poe cuana?” 14Eyaya oya saja-anaje jama ba'a: “Cua'a ecuea etii poani, ecuea oya bajjimanei. Miquea ca oya eba.”
Majoya ohuaya eya huohuicanaje jama ba'a: 201CJiquio daquiosheao yamijjicuana ma oya meshijotii ba'enaje ojee mimishicuananijje Eyacuiñajjiya ojjaña meshiyasijje queacamajanee pomeecapoquinajejo. Jamatii ma daquiosheao yamijjicuana queacamajanee ba'epoquinaje queaja'atii jjashahuabaquipoquiani. Oja daqui-ao shacuacanaje joya Ovejaja Bacuaejja jayojja poanija enaa, ma ojaya eyamijje cuayaqui'yapoa oja enaa, queadaquioshenee epo'yojji.
15“Jamajjeya ma daquiosheao yamijjicuana Eyacuiñajji quii-anijjiai cojjaneijo
nequipoqui'yanitii ojo echacochacopoqui'yojji epojjajo, mecajje pea-ai.
Emeshimeseneiya o quii-anijjiaijo anipoquianiya macuana jaahuanacapoquijetii onijje ani'yojojoya.
16"Majo ejjachichaqui anicacuana queashoe epobeca'yojji pojjeamatii poaje,
queanabataja epobeca'yojji pojjeamatii poaje pea-ai.
Eshequija oya edahuabeca'yojji pojjeamatii poaje,
oya quiyoamaneitii ba'epoquije'yo majoya Eyahuasijje.
17"Joya Ovejaja Bacuaejja jayojja poaniya Emeshimesenei quii-anijjiai cojjaneijo nequiya
majo ejjachichaqui anicacuana jaahuanacapoquijetii.
Ohuaya huidojocaje cuana enaoshe cuayaquiequiyasijje ena ishimeeya,
o ba'etiitiimee'yojji ena ishimeeya.
Eyacuiñajjiya ojjaña macuanaja oja cojjana' ojjañatii cuicaje'yo.
Majoya oya queayeno epobeca'yojji pojjeamatii poaje.”
Currently Selected:
APOCALIPSIS 7: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
