APOCALIPSIS 10

Oe ángel papenisisi etehue epichojjojjo jaa mejji poeyanaje

1Majoya aje eyaya pea ángel queaca'anee eyajje nequioqueje botejjee jjacahuihuibaquiani jayojja aniya banaje. Oja sapabiajje oe eshijje jaanaje. Ojaya ecojja queajijisajajanee poanaje eshequi queasajajanee poani jama. Ojaya equise o miji pea-ai cuaquijijiqui jayojja nequinaje. 2Oya papenisisi etehue epichojjojjo jaa mejji poanaje. Oja ebañei ejeojjiya bae-aiai quishicanaje. Oja shani ejeojjiya ca meshicuana quishipea-aicanaje. 3Majoya ma ángel queamimisajeanee miminaje jiquio ecua docuei ibia' queamimisajeanee mimiani jama. O jama mimime poajo siete huisome cuejicuaa oya saja-acanaje jayojja acanaje. 4Majoya cuejicuana janobajjimanei mimije shajja-ajjamajje eyaya oja esohui etehuejjinisho a-ajjanaje. Majoya oe eyajo ani enijje mimije eyaya shajja-ajjapea-ainaje jama poaje ba'a: “A'a oe peacuana cuejicuanaja esohui huohuiquijji, peacuanaja ebajji pojjeama. A'a oja esohui tehuejji pea-ai.”

5Majoya aje ma angelya bae-aiaijo quisemijijje nequiya, miji peajje meshijo quise nequiya oja ebañei eme jeasohuacaje eyahuasijje banaje. 6Eyacuiñajji nequitiitiipoquianiya bacanaje e'ejojonei poani ma angelya huohuicaje esohui. Ma Eyacuiñajjiya ojjaña eyatahuatahua, meshi, bae-aiai pea-ai panacapoa, ojjaña jiquio meshijo nequica, ba'eca, jaaca, anica pea-ai panacapoa. Majoya aje ma angelya jama acanaje ba'a: “Apoa, epojja oe-ejjenei poeyanaje. Chama'nei pea o shonoshonomeejji epojji. 7Pea séptimo angelya oja baasa' quijje ohua miacajeahuajo Eyacuiñajjiya ojaya ejjashahuabaquijjicuana ma ohua yahuajo ojo chacochacoaninajecuana, ma oja esohuihuohuijji poacuana pea-ai bameecapoa huisotii ajeyocaje'yo” jama huohuipomeya ma ángel poanaje.

8Majoya aje oya angelya ma eyajo aniya enijje mimije o'oya shajja-ajjanaje, jama poanaje ba'a: “Poquicue ma ángel bae-aiai anijo quisemijijje jeojji nequiyasijje, ma quise miji peajje meshijo jeojji nequiyasijje. Majoya papenisisi etehue epichojjojjo jaa ojaya emejo nequi jjeshecue.” 9Jamajjeya eyaya ma ángel nequiyasijje poquimajje oya huohuiajjañaquinaje jama ba'a: “Quiacue mo papenisisi miquea emejo nequi.” Ma angelya eya saja-acanaje jama ba'a: “Ma-aje papeni. Ijjiacue. Queabiquianee ijjiaje joya ecua huinina' queabiquianee poani jama. Quijje ca queapasenee poaje miquea see-aijo ba'e.”

10Majoya eyaya papenisisi angelja emejo nequi jjeshemajje ijjianaje. Queabiquianee ijjianaje joya ecua huinina' queabiquianee poani jama. Majoya queapasenee ecuea see-aijo ba'enaje. 11Majotii nequiya ma angelya eya huohuicanaje jama ba'a: “Esohui eyacua ma Eyacuiñajjiya miya quijje bameecaje huisotii ae poaje quijje pea meshijo ba'ecacuana, peajaajjicuana ma queahueshanee jaacacuana, pea esohuijo mimiani cuana, emeshimesecuana pea-ai miyaya huohuiquicue.”

Currently Selected:

APOCALIPSIS 10: ESE

Highlight

Compare

Copy