1 TIMOTEO 4
4
Eyacuiñajjija esohui cajaa acaje'yo cuaa pea esohuijo ejjashahuabaqui'yojji
1Eyacuiñajjija Edojjoshahuapameya queaja'a huohuicani oe-ejjenei epojja poechipiajo queahuisocuaa Eyacuiñajjija esohui cajaa acaje'yo eshahuacuanaja esohui siajjejo ejjashahuabaqui'yojji. E'ejojonei poso acaje cuaa maya esohui. 2Siajjepojji esohuihuohuijjinisho poanicuaa jamaya eshahuaja esohui yecaje. Oya quea-ojamimishica'anee poeje, jiquio ecua dejja equiyo oja ejee queaca'a queanee poani ba-ajja jamaya poaje. Jamajjeya oya pea jjashahuabaquime posapo-ajjanei poaje oja mimishi cajaa yajji. 3Ma dejja siajjepojjicuaaya esohui dejja jjahuanameequijjima yajjijo yecaje, eponacuana jjahueameequijjima yajjijo pea-ai esohui yecaje. Coma dejjacuaaya bobicuana beca nahuecaje, ijjiameejjima acaje cuana. Ma Eyacuiñajjiya panacapoa queapame bobicuana Jesosaja epeejjicuanaja eijjiajji onijje mimimajje, ijjiameejjima acaje. Eseyaya ca joya Eyacuiñajjija esohui e'ejojonei poani bajjiya ojjaña bobicuanajo o bihuiamajje ijjiapoquiajetii. 4Bacue, ojjaña Eyacuiñajjija pana bobicuana queapame. Jamajjeya oja pana peajja, queapame pojjeama aca-ajja. Ojjañatii oja pana bobicuana ijjiacapoquijji queabihuiya o gracias amajje. 5Jamajjeya eseyaya oja esohuijo jjashahuabaquimajje ojjaña bobicuanajo oya gracias apoquiaje. Majoya Eyacuiñajjiya bobicuana queapame pomeecaje eseja ijjiajji.
Achajja queapame echacochacojji Jesosa Quitojo Pablohua tehuecapoa
6Jiquio Eyacuiñajjija esohuicuana miya Jesosaja epeejjicuana queaja'a huohuipoquiañajo queapame Jesosa Quitojo chacochacoani bacaje miya Eyacuiñajjiya. Bacue, Eyacuiñajjija esohuicuana bobi jama, jamajjeya jjabobiaquipoquicue majotiiya queaca'a mi ba'epoquijjijo. Majoya ma esohuicuana e'ejojonei poanijo miya jjashajja-ajjaquianijo Eyacuiñajjiya miya queapame chacochacoani ojo bacaje.
7A'a oe etiiquianaja esohuicuanajo jjashahuabaquipoquijjitii. Coma etiiquianaja esohui ca ese queaja'a jjashahuabameequiajja. Beca etiicuaa esohui queaquehuanee huohuicani, coma esohuicuana peajja. Miya ca Eyacuiñajjija esohuijo queaja'a jjashahuabaquipoquiani queapame eba'ejji. Jama epojjiya queapamenee. 8Bacue jiquio jama ba'a: Ojjaña pojjajo ecuajicuajimajamajajji queapamepishana ese queayamica'a pojji. Eyacuiñajjija esohuijo ca se ca oe chacochacomajamajacapoquijji queaca'anee eba'epoquijji. Jamajjeya oja esohuijo ojjaña pojjajo chacochacomajamajamajje eseya queapamenee jjeya jiquio meshijo ba'epoquije, quijje pea-ai Eyahuasijje queapamenee ba'etiitiije'yo. 9E'e quioya caca esohui e'ejojonei poani, jamajjeya jjashahuabaneiquicajji quio esohuijotiiya. 10Oya esohuijotiiya eseya chacochacopoquianitii jamatiiya se queacamajanee acapoquiani cuaa. Jamajjeya eseya queabihui jjaishoaquipoquianitii Eyacuiñajjijo. Esejaya ebanei oya mano'yoajja, nequitiitiipoquiani, e'ejojonei ohuaya eseya nahuecaje'yo Eyahuasijje epoqui'yojji. Eyacuiñajjiya ojjañacuana joya oja esohuijo jjashahuabaquije'yo huisotii nahuepea-aicaje'yo.
11Jiquio esohui eya mi aña huohuineicue cuana, jjashajja-ajjameequicue cuana majoya. 12E'e, miya esho'ipishana, jamajjeya pojja'a beca Jesosaja epeejjicuaa miya queaca'atii enequipoquijji pojjeama poso acaje miya esho'i poanijojoya. Jamajjeya ca miña oe queaja'a ba'epoquicue Jesosaja epeejjicuanaja ebajji. Miya queaja'a poani bamajje oya queaja'a pea-ai ba'esapoaje miya jayojja pea-ai epojjiya. Esohui e'ejojoneitii apoquiacue. Peacuana oe minijje ba'eca queajea apoquiacue. A'a oe Eyacuiñajjija esohuijo jjashahuabapajeaqui'yojji. Mimishiamanei ba'epoquicue. Mi jama poani bamajje miya jayojja ba'epea-aisapoaje cuana queaja'a. 13E minijje chamajo so'o jamatii Eyacuiñajjija esohui janobajjima apoquiacuetii ona ejjachichaqui anica cojjaneijo nequiya. Jesosaja epeejjicuana esohui huohuicue o queaca'a ba'epoquijjijo. 14A'a oe jjashahuabapajeaquijji Edojjoshahuapamejo. Ohuaya miya queaca'a pomeecanaje oe Eyacuiñajjija echacojji miquea queapame eapoquiajjijo. Eyacuiñajjija ejjashahuabaquijjijo ohuaya miya jamaya queaca'a pomeecanaje ma echacojjinei miquea eapoquiajji Jesosaja epeejjicuanajaahuanapoquiajji etii poanicuaa miquea beojjojo eme huanacanajejo.
15Eyacuiñajjija echacojji eapoquiajjijo oe jjashahuabaquipoquicuetii. Ojjaña jiquio eya mique tehueaña esohuicuana jayojja ba'epoquicue. Majoya miya queaca'a tiipoquiani bacaje cuaa. 16Miya pea-ai oe jjajaahuananeiquipoquicue. Eyacuiñajjija esohui queatai ehuohui poanijje jjabaquicue queaja'a maya ehuohuijji. Queaca'atii nequipoquicue a'a hueyahueyajji esohuijo echacochacopoquijji. Miya jama ba'epoquimajje jjanahuemeequije'yo Jesosajo, joya mi shajja-ajjajji poajecuana jjanahuemeepea-aiquije'yo ojo jama pomajjeya.
Currently Selected:
1 TIMOTEO 4: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
