1 TIMOTEO 3
3
Jesosaja epeejjicuana jaahuanapoquiajji etii epojjijo tehuecapoa Pablohua
1Jiquio esohui e'ejojonei poani. Joya Jesosaja epeejjicuanajaahuanapoquiajji etii epojji posaneipoanicuana jamaya ojaya queapame epojji. Ma echacojji yajjiya queapamenee. 2Jamajjeya joya etii epojji posaneipoanicuana queaja'a ba'ecapoquijji ojjañacuananijje. Oya oja ehuanase oeneijotii ba'ecapoquijji, pea eponajo jjashahuabaquica-ajja. Oya jjajaahuanaquicapoquijjitii oja eyamijo queamimishi epo poanijje. Oya queasapaja'a poani bacajji peacuanaja. Peacuana queahuesha ba'e poeyajo ojaya queabihuiya jjequinobiacajjequijji oja equiyasijje. Eyacuiñajjija esohui ojaya baneicajji peacuana queaja'a sohuihuohuipoquiajji. 3Oya huooca-ajja. Oya peanijje jjacuiaquica-ajja. Oya caca oe peacuana asahuapoquiajji pocajji. Oya quenequenecuajica-ajja, mimijajica-ajja pea-ai. Queabejjojea oya poca-ajja. 4Joya etii epojji posaneipoanicuanaja ebionei oja equijonei onijje ba'e esohui huohuicoocapoquijji o queaja'a ba'epoquijjijo. Oja bacuacuana oja esohuijo jjashajja-ajjameequicapoquijji. Oja chii, oja nae o sohuihuohuipoquiajji poani queapame bacajji oja bacuacuanaja. 5Joya oja equijonei ba'eca huohuijjima acani dejjaa, jaahuanajjima acaniya, ¿achajja jaahuaname acaje coma dejjaa Jesosaja epeejjicuana? Achajjapishana. 6Joya Jesosaja epeejjicuanajaahuanapoquiajji etii poani dejja jjeyanei jjashahuabaqui'yo poca-ajja, oya queaca'a epojji tiiajjajjima. Joya jjeya jjashahuabaqui'yo dejja oyatii queaca'a poani poso jjabaquichana. Majoya ma ecua edosiquiana queaca'anee poani jjabaquiajo Eyacuiñajjiya oya huoojeaoqueajeaca'yapoa jama pea-aiya oya pochana. 7Joya etii epojji posaneipoani dejja queaja'a, hueya-ama poani oya bacajji Jesosaja epeejji pojjeamacuanaja. Oya jama queapame mipopoajo queahuisocuaa niñebacaje oya. Majoya edosiquianaja esohuijo jjadasiameequimajje becacuana oquequije'yo huacuaya etiicuana jama poani bamajje.
Jesosaja epeejjicuana ba'emeesahuajji poani ebabaca achajja ba'ecajji tehuepea-aicapoa Pablohua
8Oya jayojjaya joya Jesosaja epeejjicuana ba'emeesahuajji poanicuana ebabaca queaja'a hueya-ama ba'epoquiani bacajji cuanaja. Ojaya esohui e'ejojonei acapoquijji, siajje pojjeama. Oya huooca-ajja. Oya queabejjohuiso epojjijo jjashahuabaquica-ajja. 9Eyacuiñajjija esohuicuana ojaya baneicajji ma yahuajonei bajjima poa cuanaja esohuicuana. Oya queaja'a ba'ecapoquijji oja mimishi huanaquehuajjimanei. 10Joya Jesosaja epeejjicuana ba'emeesahuajji posaneipoanicuana oya nequimeejjimahua babacajjimahua, ebionei baneicajji achajja oya ba'epoquiani. Jamajjeya oya queaja'a ba'epoquiani bamajje comaya nequimeecue. 11Eponacuana pea-ai joya Jesosaja epeejjicuana ba'emeesahuajji posaneipoani a'a oya queapame ba'epoquiani ebionei bapea-aicajji cuanaja. Oya peacuanajo esohui queatai mimica-ajja. Oya jjajaahuanaquicapoquijji queamimishi epo poanijje. Oja esohui ojjañajo ojaya ajeyocapoquijji, ojaya eanishojji pojjeama. 12Jesosaja epeejjicuana ba'emeesahuajji poani ebabaca dejja oenei oja ehuanasejotii oya ba'ecapoquijji, pea eponajo jjashahuabaquica-ajja. Oja equijonei onijje ba'e oja bacuacuana ojaya sohuihuohuicapoquijji queaja'a o ba'epoquijjijo. Oja bacuacuana oja esohuijo jjashajja-ajjameequicapoquijji. 13Jesosaja epeejjicuana ba'emeesahuajji poani ebabaca queapame chacochacopoquiani shajja-ajjamajje oya queapamenee poani bacaje cuaa. Jama poani onaa bacajje ohuaya meteamaa esohui Jesosa Quitojo ejjashahuabaqui'yojji huohuiquicaje cuana.
Ma yahuajonei onaja bajjima poa esohui jjeya Eyacuiñajjiya Pablo queaja'a bameecanaje
14-15Eya jjeyahuanei poquio'oyasapoani mi ba'yohua. E'e pojja'a eya queashono poaje mique epoquicuajio'oyajji. Jamajjeya jiquio esohui eyaya tehueaña miquea queaja'a ebajji achajja eseya Jesosaja epeejji pea-ai queapame ba'ecapoquijji. Eseya jjachichaquipoquiani esohuijo oe familia poani Eyacuiñajjija'yo. Oya ca eseja Chii-ai poani, oya mano'yoajjaneitii nequipoquiani. Bacue, eseyaya ca oja esohuijjiya oja esohui queanahue bapoquiaña peaa oja esohui queatai ehuohuica poanijje. Jiquio ecua equi yamajjanaa equi queaca'a animeecapoquiani jama pea-aiya eseya nequiani. 16Eyacuiñajjija esohui e'ejojonei poani ecuaa huohuiaña cuana jamatii peacuanaja jiquio esohui e'ejojonei poani bajjima. Jama poani oja esohui ba'a:
“Quito Dejjapojji epo yamijji poeapoa jiquio meshiyasijje nequiya.
Majoya oya quijje emano'yo jaa Eyacuiñajjija Edojjoshahuapameya shequimeeca'yapoa
ojjañacuanaja ebajji oya Eyacuiñajjija Bacuaejja poani.
Angelcuaa oya queaca'aneetii poani bacapoa.
Ojjañacuiñajjicuaa esohui ojo shajja-ajjacapoa, oja huoojea dejjacuaa sohuihuohuicajje.
Jamajjeya queahuisocuiñajjicuana ojo jjashahuabaquica'yapoa.
Majoya quijje Eyacuiñajjiya Quito jjequisohuaca'yapoa Eyahuasijje
o nequi queasajajaneeyasijje onijje eani'yojji.”
Currently Selected:
1 TIMOTEO 3: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
