Lev 9
9
Arooni naahonga ekyonzira
1Ha kiro ekya munaana, Musa yayeta Arooni, batabani ba Arooni n'abakuru ba Isirairi; 2yagambira Arooni ati: “Kwata enimi ento ebe kihongwa eky'okuganyiza ekibi, n'empaya y'entaama, ebe kihongwa eky'okwokya, byombi ebitanyina kamogo, obihongere MUKAMA. 3Kandi ogambire abakuru ba Isirairi oti: ‘Mutwale empaya ey'emburabuzi, ebe kihongwa eky'okuganyiza ekibi, enyana n'ekyana ky'entaama, byombi ebinyakuhikize omwaka gumu, ebitanyina kamogo, bibe kihongwa eky'okwokya, 4kandi enimi n'empaya y'entaama, bibe kihongwa habw'okusaba obusinge mubihongere MUKAMA, hamu n'ekihongwa eky'ebyokulya ekinyakutabwirwemu amagita, habwokuba kiro kinu MUKAMA naija kubeeyoleka.’ ” 5Abantu baaleeta omumaiso g'Eheema ey'okutangatanganiramu ebintu Musa ebi yaragiire kandi ekitebe kyona kyairra haihi, kyayemerra omumaiso ga MUKAMA. 6Musa yagamba ati: “Ekintu kinu nikyo MUKAMA yabaragire kukora kandi nimwija kurora ekitiinisa kye.” 7#Baheb 7:27.Nubwo Musa yagambira Arooni ati: “Irra haihi itambiro ohonge ekihongwa kyawe eky'okukuganyiza ekibi n'ekihongwa kyawe eky'okwokya, oyesabire wenka osabire n'abantu; kandi oleete ekihongwa eky'abantu, obasabire nkooku MUKAMA aragiire.”
8Kandi Arooni yairra haihi itambiro, yaita enyana ey'ekihongwa kye eky'okumuganyiza ekibi, 9Abatabani baamuleetera esagama yaibikamu orukumo rwe, yagisiiga ha mahembe g'itambiro, endi yagiseeserra ha kicweka ekya hansi; 10baitu ebisajwa, ensigo n'obune obw'empagara ebyarugire omu kihongwa ky'okuganyiza ekibi, yabyokeza ha itambiro; nkooku MUKAMA yaragiire Musa. 11Enyama n'orususu yabyokeza aheeru y'orukande.
12Kandi yaita ekihongwa eky'okwokya, abatabani baamuleetera esagama, yagiseesa ha itambiro kulyehinguliriza. 13Baamuleetera ekicweeka kimu kimu eky'ekihongwa eky'okwokya n'omutwe, nabyo yabyokeza ha itambiro. 14Ebyenda n'ebirenge yabyogya kandi yabyokeza ha itambiro hamu n'ekihongwa eky'okwokya.
15Hanyuma yaleeta ekihongwa eky'abantu yakwata embuzi ey'ekihongwa eky'okuganyiza ekibi, yagiita yagihonga nkooku yakozire ey'okubanza ey'okuganyiza ekibi. 16Yaleeta ekihongwa eky'okwokya, yakihonga nkooku ekiragiro kirukuragira. 17Kandi yaleeta ekihongwa eky'ebyokulya, yaihaho orucumite yarwokeza ha itambiro, yakyongerereza ha kihongwa eky'okwokya eky'obwire bwa nyenkya. 18#Lev 3:1-11.Yaita enimi n'empaya y'entaama, kibe kihongwa eky'abantu habw'okubasabira obusinge, batabani be baamuleetera esagama, yagimiisira itambiro kulyehinguliriza, 19ebisajwa eby'omukira, n'ebi ebirukusweka ebyenda, ensigo n'obune obw'empagara, 20baabigereka ha mbanda ebisajwa baabyokeza ha itambiro, 21baitu embanda n'ekirumbu eky'obulyo, Arooni yabiimukyaimukiza MUKAMA, nkooku Musa yaragiire.
22 #
Kubar 6:22-26. Arooni obu yamazire kuhonga ekihongwa eky'okuganyiza, ekihongwa eky'okwokya n'ekihongwa habw'okusaba obusinge, aho yaimukiza abantu emikono, yabasabira omugisa, yarugaho yagenda. 23Musa na Arooni baagenda omu Heema ey'okutangatanganiramu, kandi obu baarugiremu, baasabira abantu omugisa, abantu baarora ekitiinisa kya MUKAMA nikyangasana. 24Omurro gwaruga omumaiso ga MUKAMA, gwasiriiriza kimu ekihongwa eky'okwokya n'ebisajwa ebikaba biri ha itambiro, abantu boona obu baarozire eki, baayamuza, baajuumara hansi.
Currently Selected:
Lev 9: BRR2008
Highlight
Copy
Compare
Share
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
