Lev 10
10
Ekibi kya Nadabbu na Abihu
1Omu kasumi ako, Nadabbu na Abihu batabani ba Arooni, buli omu yakwata ekiswa kye, yakitaho omurro, yataho eseeta baahonga omurro ogutarukwikirizibwa hali MUKAMA, habwokuba akaba atabaragiire. 2Omurro gwaruga hali MUKAMA, gwabahwerekereza, baafeera omumaiso ga MUKAMA. 3Nubwo Musa yagambira Arooni ati: “MUKAMA agambire ati: ‘Omu bantu abarukunyirra haihi, ndaayeyoleka ndi arukwera kandi omumaiso g'abantu boona ndaasuukura ekitiinisa kyange.’ ” Arooni yaculeera.
4Musa yayeta Misairi na Erizefani batabani ba Huzieri nyinarumi Arooni, yabagambira ati: “Mwirre haihi muhimbe bagenzi baanyu, mubaihe omumaiso ag'Ekiikaro Ekirukwera, mubaturukye aheeru y'orukande.” 5Aho bairra haihi baabahimbira omu kooti zaabo, baabaturukya orukande nkooku Musa akaba agambire. 6Kandi Musa yagambira Arooni, agambire abatabani Eryeza na Itamara ati: “Mutaleka isoke lyanyu kwikara litatiirwe, kandi kutemura ebyokujwara byanyu, timwikara kufa kandi MUKAMA taikara kubiihirirwa ekitebe ky'abantu kyona; baitu bagenzi baanyu, oruganda rwona orwa Isirairi, balirirre abo MUKAMA aba aisize omurro. 7Kandi mutaruga aheeru, mukahingura omulyango ogw'Eheema ey'okutangatanganiramu, timwikara kufa, habwokuba mukaseeswaho amagita ga MUKAMA anyakweza abantu n'ebintu.” Baakora nkooku Musa yagambire.
Ebiragiro ebirukulema Abanyakatagara
8MUKAMA yagambira Arooni ati: 9“Mutalinywa eviini rundi ekyokunywa ekindi eky'amaani, iwe rundi batabani bawe abali hamu na iwe, obu muraabaga nimugenda omu Heema ey'okutangatanganiramu, mutalija kufa, kinu kiragiro ekitalihwaho ebiro byanyu byoona. 10Musemeriire kumanya enyahukana ha bintu ebinyakweziibwe n'ebya buli kiro ebitarukuzirwa n'ebirukuzirwa; 11kandi musemeriire kwegesa abantu ba Isirairi ebiragiro MUKAMA ebi yaragiire Musa kubagambira.”
12 #
Lev 6:14-18. Musa yagambira Arooni n'abatabani Eryeza na Itamara abakaba basigaireho ati: “Mukwate ekihongwa eky'ekyokulya ekinyakusigaire ha bihongwa ebinyakwokiibwe habwa MUKAMA, mukirye kitatumbisiibwe, mwikaliire ha rubaju rw'itambiro, habwokuba kyeziibwe mali; 13mukiriire Omukiikaro Ekirukwera, habwokuba mugabo gwawe n'abatabani bawe, ogurukuruga ha bihongwa ebinyakwokiibwe habwa MUKAMA, habwokuba nukwo ndagiirwe nti. 14#Lev 7:30-34.Baitu ekifuba ekinyakwimukyaimukiibwe n'ekirumbu ekinyakuhongerwe, musobora kubiriira omu kiikaro ekyecumi, iwe, batabani bawe na bahara bawe ab'onyinaho, habwokuba obihairwe gube mugabo gwawe abaana bawe ogunyakurugire ha byonzira ebinyakuhongwa habw'okusaba obusinge ekinyakuleesirwe abantu ba Isirairi. 15Ekirumbu eki ekinyakuhongerwe n'ekifuba ekiimukaimukiibwe babireete n'ekihongwa eky'ebisajwa ebyokiibwe kubiimukyaimukiza MUKAMA, guraaba mugabo gwawe kandi gwa batabani bawe ab'onyinabo, gube mugabo ogwa buli na buli; nkooku MUKAMA aragiire.”
16Musa akakaguliiriza muno ebigambo eby'embuzi ey'ekihongwa eky'okuganyiza ebibi, eky'amahano, bakaba bagyookeze. Yabiihirirwa Eryeza na Itamara batabani ba Arooni abaasigaireho yagamba ati: “Ekihongwa eky'okuganyiza ebibi, 17#Lev 6:24-26.habwaki mutakiririire Omukiikaro ekirukwera, kandi kunu nikyo kintu ekirukwera mali, kandi mukihairwe nukwo mwetweke ebibi eby'ekitebe kubatonganira hali MUKAMA. 18Kandi esagama yakyo tereesirwe omu kicweka eky'omunda eky'Ekiikaro Ekirukwera nkooku naragiire.” 19Arooni yagambira Musa ati: “Wetegereze, kiro kinu bahongiirege MUKAMA ekihongwa kyabo eky'okuganyiza ebibi n'ekihongwa eky'okwokya, baitu nabwo ebintu nk'ebi bimpikireho! Kiro kinu kakuba mbaire ndiire ekihongwa eky'okuganyiza ebibi, MUKAMA yaakukukirize?” 20Musa obu yahuliire ekintu eki yananuka.
Currently Selected:
Lev 10: BRR2008
Highlight
Copy
Compare
Share
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
