James 3
3
1Mitakuyepi, wauƞspewiċakiyapi ki he iyuha heuƞċapi kta iyeċetu ṡni. Eṡʹeyaṡ, wauƞspewiċakiyapi ki hena eċiyataƞhaƞ taƞyaƞ igluhapi kte. 2Iyuha taku ota uƞgluṡnapi. Eyaṡ tokel woyaglake ki he awaƞyaƞglaka oyakihi haƞtaṡ, ṫaƞkakel wilukc̄aƞ na oniċ'igluspa oyakihi kte. 3Ṡuƞgakaƞwiċayaƞkapi ki he iƞṡʹeya iyeċetu, wik̇aƞ uƞ iogna owiċayuspapi haƞtaṡ napiwiċayuzapi okihipi. 4Wata ṫaƞka ki hena ṫate ki waṡʹagya kaḣwoka haƞṫaƞnaṡ mni ogna iyaye, eyaṡ wata oiṫaƞċaƞ ki he walsiƞte ki uƞ na tuktektel yiƞ kte ki he napiyuze. 5Wiċaċeji ki he iƞṡʹeya niṡkola kʹeyaṡ napiuƞyuzapi, taku heċetu ṡni kʹeyaṡ uƞkoyakapi. Ċistiyela waileyapi eṡa etaƞ ona iyaye! 6Wiċaṡa i ki he ṗeta iyeċa. Ṗeta ki waihaƞgya okihi ki he iyeċel wiċaṡa i ki uƞ waaiyapi na ṫaċaƞ na ṫawaċiƞpi ki haƞ igluṡiċapi kte. 7Wamak̇aṡkaƞ oċaje ota, na ḣupahu kozapi ki hena, na slohaƞpi ki hena, na mni mahel taku nuƞwaƞpi ki hena iyuha wiċakauƞspepi okihipi na eṡʹeyaṡ wiċakauƞspepi. 8Eyaṡ tokel wouƞglakapi ki he e uƞkoiċ'igluspapi uƞkokihipi ṡni. Taku ṡiċa uƞ waaiyapi ki he waḣ'muġapi ki he iyeċel iyaye. 9-10Mitakuyepi, i uƞ taku ṡiċa na waṡte ki hena nuƞpiƞya uƞkeyapi. Iṫaƞċaƞ uƞkiṫawapi na Wak̇aƞṫaƞka Ate uƞyapi ki, uƞyataƞpi, na k̇ohaƞ oyate ṫokeċa eya iƞṡʹeya uƞkaġapi ki iyeċel wiċakaġapi eyaṡ el ċaƞtewiċauƞglepi, na le heċetu ṡni. 11Wiwila hetaƞhaƞ mni waṡte na mni ṡiċa nuƞpiƞya kaluza okihi hwo? 12Na ṫamnioḣpi oju etaƞhaƞ wigli k̇aƞta iċaġa okihi hwo? Mniċ'api etaƞhaƞ mniwaṡte na mni skuya u okihi hwo?
The Wisdom from Above
13T̄uweḣc̄i niksap̄ap̄i na waslolyayap̄i k̄eċanip̄i haƞt̄aƞṡ t̄aƞyaƞ waeċuƞp̄o, heċel oyate ki ableswiċayayap̄i ktelo. Wauƞṡiyalap̄i haƞt̄aƞṡ ksabya waeċanup̄i ktelo. 14Nayawizip̄i naiƞṡ niṡna-ihanicʹiktap̄i haƞt̄aƞṡ anak̄iḣmap̄i ṡni yo. 15Leċel wiyukc̄aƞp̄i hena Wak̇aƞṫaƞk̄a ṫawoksap̄e yuhap̄i ṡni. Wak̇aƞṫaƞk̄a ektuƞṡya wiyukc̄aƞp̄i na iṡna-ihaicʹiktap̄elo. Lena wak̇aƞ-ṡic̄a ki ṫawoeċuƞ. 16Ablezap̄o, tohaƞl oyate ki nawizip̄i na iṡna-ihaicʹiktap̄i haƞt̄aƞṡ hehaƞt̄uċa oċiṡic̄ap̄i na ṡic̄aya waeċuƞp̄elo. 17Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i,
na waḣwayela opiicʹiyap̄i,
na wauƞṡilap̄i,
na oyate ki oiye iwiċac̄up̄i,
wakip̄ajiƞp̄i ṡni,
na ċaƞt̄ek̄icʹuƞya waeċuƞp̄i.
18Oċi waṡtewiċayap̄i ki he t̄ak̄u waṡte ċa ojup̄i iyeċec̄a. T̄ak̄u ki lena igluot̄a waƞlak̄ap̄i ktelo.
Currently Selected:
James 3: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
