Popular Bible Verses from James 3

Share

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

T̄uweḣc̄i niksap̄ap̄i na waslolyayap̄i k̄eċanip̄i haƞt̄aƞṡ t̄aƞyaƞ waeċuƞp̄o, heċel oyate ki ableswiċayayap̄i ktelo. Wauƞṡiyalap̄i haƞt̄aƞṡ ksabya waeċanup̄i ktelo.

Oċi waṡtewiċayap̄i ki he t̄ak̄u waṡte ċa ojup̄i iyeċec̄a. T̄ak̄u ki lena igluot̄a waƞlak̄ap̄i ktelo.

Ablezap̄o, tohaƞl oyate ki nawizip̄i na iṡna-ihaicʹiktap̄i haƞt̄aƞṡ hehaƞt̄uċa oċiṡic̄ap̄i na ṡic̄aya waeċuƞp̄elo.

Mitakuyepi, i uƞ taku ṡiċa na waṡte ki hena nuƞpiƞya uƞkeyapi. Iṫaƞċaƞ uƞkiṫawapi na Wak̇aƞṫaƞka Ate uƞyapi ki, uƞyataƞpi, na k̇ohaƞ oyate ṫokeċa eya iƞṡʹeya uƞkaġapi ki iyeċel wiċakaġapi eyaṡ el ċaƞtewiċauƞglepi, na le heċetu ṡni.

Wiċaṡa i ki he ṗeta iyeċa. Ṗeta ki waihaƞgya okihi ki he iyeċel wiċaṡa i ki uƞ waaiyapi na ṫaċaƞ na ṫawaċiƞpi ki haƞ igluṡiċapi kte.

Eyaṡ tokel wouƞglakapi ki he e uƞkoiċ'igluspapi uƞkokihipi ṡni. Taku ṡiċa uƞ waaiyapi ki he waḣ'muġapi ki he iyeċel iyaye.

Mitakuyepi, wauƞspewiċakiyapi ki he iyuha heuƞċapi kta iyeċetu ṡni. Eṡʹeyaṡ, wauƞspewiċakiyapi ki hena eċiyataƞhaƞ taƞyaƞ igluhapi kte.