1 Thessalonians 3
3
1Heuƞ etaƞhaƞ, haƞkeya waċiƞyeuƞyaƞpi ṡni, na Athens ena uƞkʹuƞpi kta uƞgluṡtaƞpi 2na Timothy, ok̇olakiċiye wak̇aƞ etaƞ he suƞka uƞyaƞpi ki e u na waƞniyaƞkapi kte. Wowiċala niṫawapi ki waṡʹagniyaƞpi kte. 3Woteḣika ohaƞ uƞkʹuƞpi ki hena uƞ naġiyeuƞniyaƞpi uƞċiƞpi ṡni. Lena heċetu kta ċa uƞkiċiyaƞkapi ki hena slolyayapi, 4iċiƞ niohaƞ uƞkʹuƞpi waƞ hehaƞ lena uƞkoniċiyakapi. Na teḣi wauƞyaƞkapi ċa he waƞlakapi. 5Niṫawowiċala eċiyataƞhaƞ tokel yauƞpi ki he slolwaya waċiƞ uƞ, haƞkeya awaṗe owakihi ṡni ċa, Timothy hena slolyiƞ kta uƞ iyayewaye. Wak̇aƞṡiċa ki taku iyuha oyujuju seċe imakaġi ki heuƞ. 6Timothy waƞna heċiyataƞhaƞ gli, na wowiċala waƞ luhapi ki he eċiyataƞhaƞ taku ki iyuha uƞkokiyakapi. Na tokel uƞṡiuƞyalapi, na uƞyeksuyapi ki hena oyake. Na niƞṡʹeya wauƞyalakapi yaċiƞpi ki he uƞkokiyakapi. 7Mitakuyepi, woteḣi ohaƞ uƞkʹuƞpi, na uƞṫuƞuƞyaƞpi eṡa uƞniƞksuyapi ċaƞ niṫawowiċala ki uƞ waṡʹag unyaƞyapi. 8Iṫaƞċaƞ Jesus waṡʹagya wiċayalapi ki he sloluƞyaƞpi uƞ ċuwiuƞkokiniyapi sʹeċeċa. 9[Tohaƞl uƞniksuyapi ċaƞ, iyokipi uƞyaƞyapi ki heuƞ Wak̇aƞṫaƞka hoyeuƞkiyapi.] 10Wauƞniyaƞkapi kta uƞċiƞpi uƞ aƞpetu iyohila waċeuƞkiyapi, na wowiċala luhapi ki he saƞmṗaya waṡʹakiƞ kte ki heuƞ. 11Wak̇aƞṫaƞka Ate uƞyaƞpi ki, na Iṫaƞċaƞ Jesus oye waƞji uƞkiċaġapi kta uƞ, [hoyewiċauƞkiyapi.] 12Iṫaƞċaƞ Jesus oniċiyapi ki tuwe ki iyuha ob taƞyaƞ yauƞpi kte. Wowauƞṡila ki le uƞ iyeċel uƞkiṡʹeya uƞṡiuƞnilapi. 13Na tohaƞl Iṫaƞċaƞ Jesus ṫaoyate ki ob ku ki haƞ, Ate Wak̇aƞṫaƞka niṫawaċiƞpi ki niyuwak̇aƞpi kta iċel hoyewakiye.
Currently Selected:
1 Thessalonians 3: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
