Roma 14

1Tuwe wicada kinhan waśake śni eśta iyowinkiya po, tuka akipam waakinicapi kin ekta śni.

2Wicaśta wanjidan taku owasin yuta okihi awacin, qa wicaśta tokeca waśake śni kin he waḣpe ece yuta.

3Tuwe wote cinhan he tuwe wote śni kin iḣaḣa kte śni; qa tuwe wote śni kinhan he tuwe wote cin yaco kte śni; Wakantanka he iyowinkiya.

4Nituwe he wicaśta tokeca taokiye kin daco he; he iye yu he cin en najin kta qa iś hinhpaye kta. Qa he ecen najin kiyapi kta, Wakantanka najin kiye kta okihi.

5Wicaśta wanji anpetu wanji iyotandaka, qa wicaśta tokeca wan anpetu owasin akiyecen yawa ece. Otoiyohi iye tawacin ekta sutaya awacin nunwe.

6Tuwe anpetu wan awacin kinhan he Itancan kin on awacin; qa tuwe anpetu kin awacin śni kinhan, Itancan kin ekta awacin śni. Tuwe wote cinlian, he Itancan kin on wota, qa Wakantanka wopida eciya; qa tuwe wote śni kinhan, Itancan kin on wote śni, qa Wakantanka wopida eciya ece.

7Unkiyepi kin tuwedan iye ḣinca on ni śni, qa tuwedan iye ḣiuca on ṭe śni.

8Unnipi kinhan Itancan kin on unnipi, qa unṭapi kinhan Itancan kin on unṭapi. Hecen unnipi, qa unṭapi unma tukte hecinhan, Itancan kin tawa unyanpi.

9Hecen on Messiya ṭe c̣a ake kini, wicaṭe c̣a wicani kin heniyoza en Itancan kta e heon.

10Tokeca nihunkawanji daco he; qa tokeca nihunkawanji iyakiḣaḣa he. Owasin Messiya tawoyaco oiyotanke kin itokam inaunjinpi kta.

11Hecen wowapi en kagapi; Miye wani kin, heon hupahu otoiyohi miye en canpeśka makehde inajin kta, qa wicaceji otoiyohi Wakantanka en wohdake kta, Itancan kin eya.

12Heon etanhan unkiyepi otoiyohi Wakantanka kin en wounhdakapi kta.

13Hecen on, detanhan otoiyohi unkiciyacopi kte śni, tuka kaken e iyotan wakonza po, tuwedan taku en siha ibotopi, qa on hinḣpaye kte cin he hunkawanjitku kin itokam ehde kte śni.

14Miś sdonwaye c̣a Jesus Itancan kin en awacami, takudan atayedan śape śni; tuka tuwe taku śapa kecin kinhan, he taku kin iye ekta śapa ece.

15Qa woyute kin on etanhan nihunkawanji iyokiśin yaye cinhan wowaśtedake eciyatanhan mayani śni. Messiya tuwe on ṭe ciqon he woyute nitawa kin on ihang ye śni wo.

16Ihnuhan taku waśte duhapi kin he yaśicapi kinhan.

17Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

18Tuwe hena taku kin en Messiya wowidag ye cinhan, he Wakantanka iyokipi ye c̣a, wicaśta kin on waśte dakapi.

19Heon etanhan taku tona wookiye kage cin hena unkakitapi kta qa nakun taku on otoiyohi icaḣ unkiciciyapi kta.

20Woyute kin on etanhan Wakantanka taku kage cin he ihang ye śni wo. Awicakehan taku owasin waśte; tuka tuwe taku yute c̣a on waḣtani wicaye cinhan, he śicu ece.

21Waconica yutapi śni, qa mini śa yatkanpi śni, qa taku tokeca on etanhan nihunkawanji ḣicahe c̣a, wahtani, qa waśake śni aye cin, hena econpi śni kinhan he waśte.

22Wowacinye duha he: Niś niye Wakantanka itokamya hduha wo. Tuwe taku iyowinkiye cin on ihdaco śni kinhan, he yuwaśtepi ece.

23Qa tuwe wicada śni kinhan he yute cinhan wanna yacopi, wacinyanpi kin on hecon śni, heon etanhan. Taku owasin wacinyanpi eciyatanhan śni kin hena woaḣtani.

Currently Selected:

Roma 14: DAKOTANT

Highlight

Compare

Copy