Popular Bible Verses from Roma 14

Share

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee. Tuwe hena taku kin en Messiya wowidag ye cinhan, he Wakantanka iyokipi ye c̣a, wicaśta kin on waśte dakapi.

Unnipi kinhan Itancan kin on unnipi, qa unṭapi kinhan Itancan kin on unṭapi. Hecen unnipi, qa unṭapi unma tukte hecinhan, Itancan kin tawa unyanpi.

Heon etanhan taku tona wookiye kage cin hena unkakitapi kta qa nakun taku on otoiyohi icaḣ unkiciciyapi kta.

Hecen on, detanhan otoiyohi unkiciyacopi kte śni, tuka kaken e iyotan wakonza po, tuwedan taku en siha ibotopi, qa on hinḣpaye kte cin he hunkawanjitku kin itokam ehde kte śni.

Hecen wowapi en kagapi; Miye wani kin, heon hupahu otoiyohi miye en canpeśka makehde inajin kta, qa wicaceji otoiyohi Wakantanka en wohdake kta, Itancan kin eya. Heon etanhan unkiyepi otoiyohi Wakantanka kin en wounhdakapi kta.

Tuwe wicada kinhan waśake śni eśta iyowinkiya po, tuka akipam waakinicapi kin ekta śni.

Nituwe he wicaśta tokeca taokiye kin daco he; he iye yu he cin en najin kta qa iś hinhpaye kta. Qa he ecen najin kiyapi kta, Wakantanka najin kiye kta okihi.