Rwî 7
7
Mûndûmûrûme
1Kaî ûrî mûthaka mwîrîtu ûyû-î!
Magûrû maku mekîrîtwe iratû nî mathaka.
Ciero ciaku cia kîthiûrûrû nîta mathaga ma goro,
wîra wa mûvundi mwaro.
2Mûkonyo waku nî ta mbakûri,
îrîa îtathiraga ndivei îrîa mbaro.
Îvu rîaku nîta kîrûndo Kîam ngano,
kîthiûrûkîrîtue nî maûa.
3Nyondo ciaku nî ta nthiia igîrî cia mathatha,
nî ta nthwariga igîrî.
4Ngingo yaku îkariî ta nyomba ndaca na îgûrû ya mîguongo.
Metho maku mekariî ta maria îtûûrarî rîa Heshiboni,
vakuvî na kîvingo Kîam Bathi-rabimu.#7.4 Bathi-rabimu: nî rîîtwa rîa kîvingo, nwatî rîgwikaga ta ‘mwarî wa mûthamaki.’
Îniûrû rîaku nî rîthaka ta nyomba ndaca na îgûrû ya Lebanoni,
îrîa yerekerete îtûûra rîa Damesiki.
5Kîongo gîaku kîrûngamîte ta kîrîma gîa Karimeli.
Njuîrî ciaku nthaka iravenavenia ta rangi wa njambarawe,
ûthaka waku nwa ûgucîrîrie mûthamaki.
6Mwendwa wakwa wî mûthaka na wa kwendeka.
Wendo waku nîûngenagia.
7We ûrûngarîte na ûkaracava ta mûtî wa mûkîndû,
nacio nyondo ciaku ciîkariî ta tûmanja twa ndende.
8Nîngûtwa mûtî ûcio wa mûkîndû ndue matunda maguo.
Nyondo ciaku nîta imanja cia thavibu,
mîvevû yaku nîta mûtararûko mwaro wa matunda.
9Mîromo yaku nî ta ndivei mbaro mûno.
Mûndûmûka
Ndivei nînyûrûrûke nginya kûrî mwendwa wakwa,
îvîtûkîrîre gatagatî ka mîromo yake na magego make.
10Nie nîrî wa mwendwa wakwa na nîamendete.
11Mwendwa wakwa, ûka tûthiî na kûu mîgûndarî,
tûthiî tûkarare na kûu icagirî.
12Tûgaûkîra kîraûko tene tûthiî mûgûndarî wa mîthavibu,
tûkone kana mîthavibu nî îthundîtie,
twone kana maûa ma yo nî matumûku,
na twone kana mîkûngûmanga nî mîrau.
Kûu nîkuo ngaakûnengerera wendo wakwa.
13Mûnungo wa maûa maro wîcûrîte rîerarî,
na matunda monthe marîa marî mûrîo marî mûromorî.
Mwendwa wakwa ûrîa nakwendete mbere nwaguo ngwendete.
Currently Selected:
Rwî 7: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
