Rwî 6
6
Aka
1We mûndûmûka ûyû mûthaka mûno,
mwendwa waku athiî kû?
Twîre athiî na njîra îrîkû nîguo tûgûtethie kûmûcaria.
Mûndûmûka
2Mwendwa wakwa athiî mûgûndarî wake,
kûrîa mînyamû mînungi waro îkûraga.
Nîararîthia ng'ondu ciake kuo agîkethaga maûa.
3Mwendwa wakwa nî wakwa nanie nîrî wake,
arîthagia ng'ondu ciake kûndû kûrî na maûa.
Rwîmbo rwa gatano
Mûndûmûrûme
4Mwendwa wakwa, wî mûthaka ta îtûûra rîa Jerusalemu,
ûrî mwaro ta îtûûra rîa Tiriza,
wîtigîrîtwe ta athigari a mbaara marî na vendera.
5Garûrûka ûtige kûndoria,
metho maku nîmaratûma nthînîke.
Njuîrî ciaku nî ta ndîthia ya mbûri,
inyûrûrûkîte kîrîmarî Kîam Gileadi.
6Magego maku macerûvîte ta ndîthia ya ng'ondu cia nga,
inyûrûrûkîte ciarîkia kûthambua.
Gûtirî wanarî rîmwe rîtarî vo,
monthe maringanîte maîrî maîrî.
7Makai maku mekariî ta nuthu igîrî cia ngûngûmanga,
meyumîrîtie gîtambaarî kîrîa wîkunîkîte nakîo.
8Mûthamaki nîavikie aka mîrongo îtandatû na aka akwigwa mîrongo înana,
na agîe na erîtu matangîtarîka.
9Nwatî mwendwa wakwa nî ûmwe,
na nî mûthaka ta ndutuura,
nîke wenga varî ng'ina na nîamwendete mûno!
Aka onthe mamwona nîmamûkumagia.
Aka a mûthamaki na aka ake a kwigwa nîmamûkumagia.
10Nî ûrîkû ûyû ûkengete ta riûa rîkîratha?
Mûthaka ta mweri na mûkengu ta riûa,
na wîtigîrîtwe ta athigari a mbaara marî na vendera?
11Nyûrûrûkire nathiî mûgûndarî wa mîtunda ma mûrothi,
kwona mîtunda îrîa îmerete Kîamndarî,
kwona kana mîthavibu nî mîthundiu,
wana kana mîkûngûmanga nîmîrutu maûa.
12Ndevarîrîtie, mwendwa wakwa nîwandonyirie gîkaarirî Kîam mbarathi Kîam mûthamaki.#6.12 Mûvari ûyû na Kîhibirania ndwereekaga.
Aka
13Coka, coka we mwarî wa Shulami,
coka nîguo tûkûrorie.
Mûndûmûka
Mûrenda kûndoria nîkî nie mwarî wa Shulami,
rîrîa ngwina nîrî gatagatî ka ikundi igîrî cia athigari?
Currently Selected:
Rwî 6: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
