Rwî 3
3
1Maita mengî ûtukû nîrî toro,
nînarotire na mwendwa wakwa;
nînamûcaragia, nwatî ndiamwona.
2Nînaûkîrire ngîthiûrûrûka îtûûrarî,
nathiûrûrûkire varavararî na tûcangirirî,
ngîcaragia mwendwa wakwa.
Naamûcaririe nwatî ndiamwona.
3Arangîri a îtûûra nîmaamonire makîthiûrûrûka îtûûra.
Nînaamaûririe atîrî, “Mûrîamoneru mwendwa wakwa?”
4Narîkia kûmatiga wa rîo,
nînoonire mwendwa wakwa.
Nînaamûkumbatîrie na ndingîamûrekererie,
nginya rîrîa namûvirire nyombarî kwa nyanya,
kanyombarî karîa naaciarîrwe.
5Mue aka a Jerusalemu nînamûthaitha,
îîvîteni na nthiia na nthwariga cia werû,
atî tîmûtonyerera wendo wetû.
Rwîmbo rwa kathatû
Mûndûmûka
6Nîndûî kîîrîa kîrauma werûrî gîkariî ta mûthiringo wa ndogo,
kîrî na mûtî mûnungo wa mare na ûbani,
na maguta marîa mendagua nî andû arîa mendagia makîgûraga indo.
7Taroria, nî Solomoni akuuîtwe arî gîtîrî gîake Kîam ûnene;
arangîrîtwe nî athigari njamba mîrongo îtandatû,
athigari arîa marî vinya mûno kûu Isiraeli.
8Onthe nî maicî kûrûa na mviû,
na nî andû maicî kûrûa mbaara.
Wa mûndû anyitîte rûviû rwake,
nîûndû wa thîna ûrîa ûngîûka ûtukû.
9Mûthamaki Solomoni akuuîtwe arî gîtîrî gîake Kîam ûnene,
gîtumîtwe na mîtî mîaro ya Lebanoni.
10Itugî ciakîo ivakîtwe sîlûva,
îgûrû rîakîo varî na gîtambaa kîgemetue na thaavu.
Vandû va gwîkarîra vatandîkîtwe gîtambaa Kîam rangi wa njambarawe,
kîgemetue waro nî aka a Jerusalemu.
11Aka a Zayuni, ûkani mwone mûthamaki Solomoni.
Ke ekîrîte nthûmbî îrîa ng'ina aamwîkîrire kîongorî gîake,
mûthenya ûrîa aavikanagia,
mûthenya ûrîa ecûrîtwe nî gîkeno.
Currently Selected:
Rwî 3: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
