Isa 6
6
Ngai nîwetire Isaia atuîke mûrathi
1 #
2Atha 15.7; 2Maû 26.23 Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe. 2Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo. 3#Kûguû 4.8 Wa ûmwe wa Aserafi acio etaga ûrîa wîngî akiugaga atîrî,
“Mûtheru, mûtheru, mûtheru!
Ngai-Mûnene, mwene vinya wonthe nî mûtheru!
Riiri wake wîcûrîte nthî yonthe.”
4 #
Kûguû 15.8
Mîgambo yao nîyatûmire mîcingi ya hekarû inaine, nayo hekarû îgîcûra ndogo.
5Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”
6Ûmwe wa Aserafi nîwacokire akîgûrûka agîûka kûrî nie akuuîte îkara rîa mwaki na mîgwati rîgîakanaga, rîrîa aarutîte metharî ya kîgongoona. 7Nîwamvutirie mîromo na îkara rîu na akiuga atîrî, “Taroria, îkara rîîrî nî rîavutia mîromo yaku; nîwathengutîrua mavîtia maku na nîwoverwa mevia maku.”
8Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?”
Nanie nînacokirie atîrî, “Nîrî ava! Ndûma!”
9 #
Mat 13.14-15; Mar 4.12; Luka 8.10; Joh 12.40; Ciîko 28.26-27 Kwoguo nîwambîrire atîrî, “Thiî ûvirîre andû aya ndûmîrîri îno:
‘Mûkathikagîrîria, nwatî mûtigaataûkîrwa.
Mûkaroragia, nwatî mûtikaamenya.’ ”
10Nîwacokire akîmbîra atîrî,
“Ûmia ngoro cia andû aya,
ûkunîke matû mao,
na ûvinge metho mao nîguo matikone,
matikegue na matû mao wana kana mataûkîrwa na ngoro ciao.
Na manjokerere na mavonue.”
11Nînacokire ngîûria atîrî,
“Mwathani, nîkwîthîrwa gwîkariî ûguo nginya rî?”
Nake nîwanjokerie atîrî,
“Nginya rîrîa matûûra magaacûkangua gûtigwe gûtarî wanarî mûndû;
nginya rîrîa nyomba igaatigwa itarî na andû a gûtûûra kuo,
na vûrûri ûrî mûcûkangu viû.
12Nie Ngai-Mûnene nîngaavira andû kûndû kûraca,
na ndûme vûrûri wonthe ûtigwe ûrî maganjo.
13Wana gwatigara andû gîcunjî kîmwe îgûrû rîa îkûmi vûrûrirî,
wanao nîmakaavîvua.
Acio makethîrwa mekariî ta kîthukî Kîam mûvuru,
kîrîa gîtigagwa kîrûngamîte rîrîa mûvuru watemwa.”
(Kîthukî kîu nî mbegû ntheru ya Kîammbîrîria gîcerû.)
Currently Selected:
Isa 6: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
