Popular Bible Verses from Isa 6

Share

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Nîwamvutirie mîromo na îkara rîu na akiuga atîrî, “Taroria, îkara rîîrî nî rîavutia mîromo yaku; nîwathengutîrua mavîtia maku na nîwoverwa mevia maku.”

Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Ûmwe wa Aserafi nîwacokire akîgûrûka agîûka kûrî nie akuuîte îkara rîa mwaki na mîgwati rîgîakanaga, rîrîa aarutîte metharî ya kîgongoona.

Kwoguo nîwambîrire atîrî, “Thiî ûvirîre andû aya ndûmîrîri îno: ‘Mûkathikagîrîria, nwatî mûtigaataûkîrwa. Mûkaroragia, nwatî mûtikaamenya.’ ”

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”