Isa 25

Rwîmbo rwa gûkumia Ngai

1We Ngai-Mûnene, nîwe Ngai wakwa;

nîngaakwambararia na ngumie rîîtwa rîaku,

nîûndû we nîwîkîte maûndû ma magegania;

mîvango îrîa wavangire kuuma tene,

ûmîvingîtie na wîvokeku na ûûma.

2Nîûtûmîte îtûûra rîtuîke kîrûndo Kîam mathiga,

ûgatûma îtûûra ririgîre rîtuîke îganjo.

Nyomba ya ûnene ya andû a ndûrîrî nî nyomomore,

na ndîgaatumwa rîngî tene na tene.

3Kwoguo andû arîa marî vinya nîmakaagûkumia;

matûûra ma ndûrîrî irîa itarî ntha nîmagaagwîtigîra.

4Nîûndû we nîwe mûgitîri wa andû arîa athîni,

mûgitîri wa ngîa vîndî îrîa irî na mathîna.

We nîwe ûmagitagîra kuuma kûrî rûkûngi rûnene,

na nîwe kîruru Kîamo Kîam vîndî ya ûrugarî.

Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

5nîta ûrugarî ûrî kûndû kûnyaru.

Nwatî we nîûthirîtie înegene rîa ageni;

ta ûrîa kîruru gîa îtu kîthiragia ûrugarî,

nwaguo ûthiragia nyîmbo cia arîa matarî ntha.

Ngai nîakaavarîrîria kîrugo

6Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro. 7Îgûrû rîa kîrîma gîkî nîkuo Ngai-Mûnene akaathengutîria andû onthe gîtambaa kîrîa kîmakunîkîrîte, gîtambaa kîrîa gîkunîkîrîte mavûrûri monthe. 8#1Akor 15.54; Kûguû 7.17; 21.4 Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

9Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Ngai nîakaaverithia Moabu

10 # Isa 15.1—16.14; Jer 48.1-47; Ezek 25.8-11; Amo 2.1-3; Zef 2.8-11 Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera. 11Nîmakaambararia njara ciao ta mûndû akîgeria kûthambîra, nwatî Ngai-Mûnene nîakaathiria mwîtîîo wao vamwe na wara wao#25.11 Kamûvari gaka na Kîhibirania gîtiereekaga. 12Nîakomomora îtûûra rîrîa rîgitîre rîa Moabu na nthingo ndaca ciarîo na aigwîthie nthî.

Currently Selected:

Isa 25: KKB

Highlight

Copy

Compare