Isa 15
15
Ngai nîagaacûkangia Moabu
1 #
Isa 25.10-12; Jer 48.1-47; Ezek 25.8-11; Amo 2.1-3; Zef 2.8-11 Îno nîyo ndûmîrîri ya Ngai îgiî Moabu:
Îtûûra rîa Ari na rîa Kiri#15.1 Ari na rîa Kiri: Mama maarî matûûra manene vûrûrirî wa Moabu. nîmacûkangîtue ûtukû ûmwe,
naguo vûrûri wa Moabu ûkirîte îvooru.
2Andû a Diboni#15.2 Diboni: Kîhibirania kîandîkîte mwarî wa Diboni. nîmaunûkîtie kûrîa magoocagîra magacakae.
Andû a Moabu mararîrîra matûûra ma Nebo na Medeba.
Andû onthe nî enju ciongo ciao na makenja nderu ciao,
3maravîtûkîrîra njîrarî mekîrîte nguo cia macakaya;
maracakaya makîrîraga methori marî nyombarî îgûrû na ivaarorî cia matûûra.
4Andû a Heshiboni na a Eleale nîmararîra,
kîrîro Kîamo nî kîreguîka nî andû marî Jahazi.
Athigari a Moabu nîmararîra maugîrîrîtie;
ngoro ciao nîiratetema.
5Ngoro yakwa nîîrarîrîra Moabu!
Andû a kuo maûrîte makathiî Zoari, na Egilathi-shelishiya.
Maunûkîtie na njîra îrîa îthiîte Luhithi makîrîraga;
marî njîrarî mathiîte Horonaimu,
nîmarauga mbu nî ûrîa macûkangîtue.
6Karûnjî ka Nimurimu nî kavwîu;
nyaki ya kuo nî nyûmû, mîmera nî mîvovu,
gûtirî kîndû kîrakûra kuo.
7Andû mararinga karûnjî ka Wilosi,
makuuîte indo ciao cionthe irîa maagîte nacio,
wana irîa meeigîrîte mûthithû.
8Vûrûri wonthe wa Moabu wîcûrîte kîrîro,
macakaya makinyîte Egilaimu na Beeri-elimu.
9Manjî monthe ma Diboni mecûrîte nthakame;
kûnarî ûguo, Ngai nîakûgera ngero nene Diboni.
Andû arîa makaaûra kuuma vûrûrirî wa Moabu,
na arîa magaatigara makaaûragwa nî mûnyambû.
Currently Selected:
Isa 15: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
