Ũĩ 9
9
Solomoni Aivoya Ngai Amũnenge Ũĩ
1 #
1Asu 3.6-9; Ũĩ 7.7 “Ame Ngai wa aaũmae makwa na Mwĩai wĩ tei,
nĩwoombie syĩndũ syonthe na ndeto yaku.
2Kwa Ũĩ waku woombie andũ,
masumbĩkae syũmbe ila woombie,
3na maisumbĩka nthĩ kwa ũtheu na ũlũngalu,
matusae sila me na ngoo ya ũlũngalu.
4Nĩngũũvoya ũnenge ũĩ ũla wĩkalaa ũtee wa kĩvĩla kyaku kya kĩ-ũsumbĩ,
na ndũkalee kũndala ta ũmwe wa athũkũmi maku.
5Nũndũ nyie nĩ ngombo yaku, mwana wa mũthũkũmi waku mũndũ mũka,
nyie mũndũ mwonzu ũla ũte na matukũ maingĩ ma kwĩkala thayũ,
na nĩ na ũmanyi mũnini wa mĩao na wa kũtw'a sila.
6Nũndũ o na ethĩwa mũndũ nĩ mwĩanĩu katĩ wa andũ,
na nde na ũĩ ũla wumaa kwaku ndakatalwa ta kĩndũ.
7We Ngai nĩwanyuvie nĩtw'ĩke mũsumbĩ wa andũ maku,
nĩtw'ĩke mũsili wa ana maku na eĩtu maku.
8Nĩwambĩaĩie nake Ĩkalũ yaku kĩĩmanĩ kyaku kĩtheu,
na ndyaka kĩthembeo ndũanĩ ĩla wĩkalaa,
ivw'anene na Ĩeema ĩtheu yĩla waseũvisye mwambĩlĩĩlyonĩ.
9Ũĩ e vamwe naku, na nĩwĩsĩ mawĩa maku,
Ũĩ aĩ vo yĩla woombie nthĩ.
Ũĩ nĩwĩsĩ kĩla kĩkwendeeasya,
na nĩwĩsĩ kĩla kyaĩlĩte kwĩanana na mĩao yaku.
10Tũma Ũĩ oke kuma ĩtunĩ ĩtheu,
mũtũme kuma kĩvĩlanĩ kya kĩ-ũsumbĩ kya ũkumyo waku,
nĩ kana ekale nakwa na kũtethya wĩa nakwa,
na nĩ kana ndonye kwĩmanyĩsya kĩla kĩkwendeeasya.
11Nũndũ Ũĩ nĩwĩsĩ na nũmanyaa maũndũ onthe,
na akandongoesya na ũmanyi maũndũnĩ ala nĩkaa,
na akanzũvĩa na ũkumyo wake.
12Nĩvo ĩndĩ mawĩa makwa meĩtĩkĩlĩka,
na kũsilĩla andũ maku na sila wa katĩ,
na ngeethĩwa naĩlĩtwe nĩ kĩvĩla kya kĩ-ũsumbĩ kya ĩthe wakwa.
13“Nũũ ũtonya kũmanya mosũanĩo ma Ngai?
Kana nũũ ũtonya kũmanya kwenda kwa Mwĩai?
14Nũndũ mosũanĩo ma andũ nĩ ma mana,
na nĩkũtonyeka mĩvango yaitũ ĩkalea kwĩanĩa,
15nĩkwĩthĩwa mwĩĩ ũla wanangĩkaa nũnoasya veva,
na mwĩĩ ũũ wũmbĩtwe na mũthanga nũnoasya kĩlĩko kĩla kĩsũanĩaa.
16Nĩ vinya kwitũ kũtalĩthya kĩla kĩ kũũ nthĩ,
na kĩndũ kĩla kĩ vakuvĩ naitũ tũkĩmanyaa na vinya.
Nũũ ĩndĩ ũtonya kũmanya kĩla kĩ ĩtunĩ?
17Nũũ waamanya kwenda kwaku ũtamũnengete Ũĩ,
na ũkamũtũmĩa Veva waku mũtheu kuma ĩũlũ?
18Ũu nĩw'o mĩendele ya andũ ĩũlũ wa nthĩ yaseũviw'e,
na andũ mamanyĩw'a maũndũ ala makwendeeasya,
na matangĩĩwa nĩ Ũĩ.”
Currently Selected:
Ũĩ 9: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011