Tov 9
9
Kyalo kya Kũthi Langesi
1Toviasi nĩweetie Lavaeli na amwĩa atĩĩ, 2“Mwana-a-asa Asalia, osa athũkũmi ana na ngamĩle ilĩ, na ũithi Langesi. Enda kwa Kavaeli ũkamũnenge ĩthangũ yĩĩ ĩandĩke na yĩkĩĩtwe saii, nake aikũnenga mbesa. Ĩtina wa ũu wĩũkany'a nake mũtwaanonĩ wakwa. 3Nĩwĩsĩ kana ĩthe wakwa no nginya ethĩwe aitala mĩthenya ĩla naĩlĩte kũsyoka, na naselewa mũthenya ũmwe nũkũkwatwa nĩ thĩna mũno. 4O ta ũu nowĩsĩ ũndũ Lakueli wĩvĩtĩte kwĩka, na no nginya nĩtĩkĩlane na wĩvĩto wake.”
5Kwoou Lavaeli e na athũkũmi ana nĩmaendie Langesi ĩla yĩ Metia, na mathi kwĩkala nyũmba kwa Kavaeli. Lavaeli nĩwamũnengie yĩla ĩthangũ ĩandĩke na yĩkekĩwa saii, na amwĩa kana Toviasi mwana wa Toviti nũnatwaanie mĩtũkĩ, na kana nũthoketye Kavaeli mbokanĩ ya mũtwaano. Kavaeli nĩwatalile mĩvuko ya mbesa ĩla yaĩ myove mĩtũkĩ, na mamĩtũlya ngamĩlenĩ. 6Ũnĩ ũsu kwakya tene, Lavaeli na Kavaeli nĩmambĩĩie kyalo kya kũthi mbokanĩ ya mũtwaano. Yĩla mavikie nyũmba kwa Lakueli, nĩmeethĩie Toviasi mbokanĩ. Toviasi nĩwookĩlile na mĩtũkĩ akethye Kavaeli. Kavaeli nĩwaĩie na aneena ndeto ii sya ũathimo ayasya atĩĩ, “We wĩ mwanake mũseo, na ĩthe waku nĩ mũndũ mũlau na mũlũngalu maũndũnĩ make onthe. Mwĩai Ngai akũathime, wĩ na mũka waku na athoni maku. Nĩataĩwe Mwĩai Ngai ũla watumie nona mwana wa mwendw'a-ĩthe wakwa Toviti, ũla ũilyĩ take vyũ.”
Currently Selected:
Tov 9: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011