Sil 49
49
Yosia
1 #
2Asu 22.1,11-13; 23.3,25 Kũmũlilikana Yosia nĩ ta mũuke mũseo wa ũvani,
ũvulanĩtw'e nesa nĩ mũndũ ũla wĩsĩ kũvulany'a syĩndũ syĩ mũuke mũseo;
kĩla mũndũ aĩmũlilikana ew'aa mũyo ta ũkũya ũkĩ wa nzũkĩ,
na ta ũkwĩthukĩĩsya wathi ũkwinwa mbokanĩ ĩkũnyuwa ndivai.
2Yosia nĩweekie ũndũ mũseo kũalyũla mathayũ ma andũ,
na avetanga maũndũ mathũku ma kũthatya ala meekawa.
3Aĩ mũĩkĩĩku kũla kwĩ Mwĩai!
Ĩvindanĩ yĩla andũ mamũleete Ngai,
Yosia nĩwalũlũmĩĩlye andũ ũthaithinĩ ũla wa w'o.
Yelemia
4Eka Ndeviti, Esekia na Yosia,
asumbĩ ala angĩ onthe nĩmeekaa naĩ mbingĩ;
nũndũ nĩmaleile kũatĩĩa mĩao ya Ũla wĩ Ĩũlũ Mũno,
asumbĩ ma Yuta nĩmaminiwe.
Nĩmanengie andũ angĩ vinya woo,
5nũndũ nĩmanengie andũ angĩ ũtonyi woo,
na manenga mbaĩ ngeni ndaĩa yoo.
6 #
Yel 1.4-10; 39.8 Mbaĩ ĩsu nĩyavĩvisye ndũa nyuve ĩla yaĩ Ĩkalũ,
na yatia malelũ mayo mate andũ,
o tondũ Yelemia wathanĩte.
7Ũu weekĩkie nũndũ nĩmamũthĩnisye Yelemia,
o na kau nĩwavathĩtwe ethĩwe mwathani e o ĩvunĩ ya nyinyia,
akũae, aomboae na kwananga,
na o ta ũu ayakaa na kũvanda.
Esekieli
8 #
Esek 1.3-15; 14.14-20 Esekieli nĩwe woonie woni wa ũtheu mũtisu,
Ngai amwonisye ũtheu ũsu mũtisu wĩ ĩũlũ wa ĩkasya ya kaũ ya syũmbe syĩ nthwau syĩtawa akelũvi.
9Ngai nĩwaeteie amaitha make mbua yĩ na kĩuutani,
ĩndĩ ameka nesa andũ ala mekaa ũla waĩlĩte.#49.9 Maandĩko angĩ ma Ndeto ya Ngai Maĩtye nĩkwĩthĩwa Ngai o ta ũu nĩwawetie Yovu ũla kĩla ĩvinda weekaa ũla ũlũngalu.
Athani Ĩkũmi na Elĩ
10Mavĩndĩ ma ala athani ĩkũmi na elĩ,
nĩmethĩwe thayũ me o kũla maĩ,
nũndũ nĩmakiakiisye andũ ma Yakovo,
na mamavonokya kwa kũmanenga mũĩkĩĩo wĩ na wĩkwatyo.
Nzelũvaveli na Yosua
11 #
Esa 3.2; Akai 2.23 Tũtonya kũmũkumya Nzelũvaveli ata?
Ailyĩ ta mbete ya kwĩkĩa mũulĩ,
ĩla yĩkĩawa kyaanĩ kya kw'oko kwa aũme.
12 #
Akai 1.1,12 O nake Yosua mwana wa Yosataki ailyĩ o ũu.
Ĩvindanĩ yoo nĩmaakie Ĩkalũ,
nĩmaakie Ĩkalũ ĩtheu ya Mwĩai Ngai,
yĩla ũkumyo wayo ũkekala tene na tene.
Neemia
13 #
Nee 6.15
Ũlilikany'o wa Neemia o na w'o nĩ mũnene;
nĩwatwakĩie ĩngĩ ngũta sya ndũa yaitũ ila syaĩ mbomboku,
eekĩa mĩvĩa na syĩndũ sya kũmĩvinga,
na aaka ĩngĩ nyũmba sitũ ila syaombongĩtwe.
Aaũmae Maitũ ma Tene
14Ĩũlũ wa nthĩ vai mũndũ ũngĩ waaũmbwa ailyĩ ta Enoko,
nũndũ nĩwoosiwe aumw'a kũũ nthĩ.
15O na ĩũlũ wa nthĩ vai mũndũ ũngĩ waasyawa ailyĩ ta Yosevu,
o na mavĩndĩ make nĩmasũvĩiwe.
16Semu na Sethi nĩmanengetwe ndaĩa nĩ andũ,
ĩndĩ Atamu nĩwanengetwe ndaĩa mbee wa syũmbe syonthe ila syĩ thayũ.
Currently Selected:
Sil 49: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011