Sil 46
46
Yosua
1 #
Yos 1.1—11.23
Yosua#46.1 Yosua: Ũalyũlo wa ĩsyĩtwa yĩĩ nĩ Mwĩai Ngai nũtangĩĩaa. mwana wa Nuni aĩ ngũmbaũ kaũnĩ,
na nĩwe watw'ĩkie mwathani ĩtina wa Mwose.
Kwĩanana na ĩsyĩtwa yake, nĩwatw'ĩkie mũtangĩĩi mũnene wa andũ anyuve ma Ngai;
nĩweeyĩĩvanĩisye kwa amaitha ala mokitaa nake,
nĩ kana atwae andũ ma Ĩsilaeli makose ũtiĩwa woo.
2Eethĩawa na ũkumyo mũnene yĩla wookĩlya moko make,
na atambũũkya ũvyũ wake okite ndũa!
3Kwĩ mũndũ ũngĩ vau mbeenĩ waaĩyumya take?
Yosua nĩwokitaa makaũ ma Mwĩai.
4Yosua nĩwaũngamisye syũa,
na mũthenya ũmwe waasava weethĩa nĩ ta mĩthenya ĩlĩ.
5Yĩla amaitha mokitaa nake kuma ngalĩko syonthe,
Yosua nĩwamwĩkaĩlile Ũla wĩ Ĩũlũ Mũno, Mwene Ũtonyi.
6Mwĩai ũla wĩ ũtonyi nĩwasũngĩie,
nĩwaetie mbua ya mavia manene.
Mavia asu nĩmakimangie amaitha ma Ĩsilaeli,
maminwa yĩla masembete kĩtheeonĩ kya Mbethi-oloni na masindwa,
nĩ kana andũ ma mbaĩ ingĩ mamanye kana Yosua okitaa atongoew'e nĩ Mwĩai,
nũndũ nĩweeyumĩtye vyũ kũatĩĩa Mwene Ũtonyi.
Kalevu
7 #
Mot 14.6-10; 11.21; Yos 14.6-11 Ĩvindanĩ ya Mwose, Yosua nĩwoonanisye ũĩkĩĩku wake;
we na Kalevu mwana wa Yevune,
nĩmaleanile na wũmbano w'onthe,
masiĩĩa andũ maikeke naĩ,
na mavindĩthya andũ ala manyungunyĩasya.
8Katĩ wa andũ ngili maana thanthatũ ala maumie Misili,
asu elĩ me oka nĩmo maekiwe thayũ,
na malikw'a nthĩ ĩla manengiwe yĩthĩwe ng'ũndũ yoo,
nthĩ nthwii na nou.
9Mwĩai nĩwanengie Kalevu vinya,
na ekala na vinya ũsu nginya ũkũũnĩ wake,
nĩ kana aende nthĩ yĩ iĩma,
ĩla kũvika o na yu nĩ ũtiĩwa wa nzyawa syake,
10nĩ kana andũ onthe ma Ĩsilaeli mone,
kana nĩ ũseo kũmũatĩĩa Mwĩai.
Asili
11 #
Asi 1.1—16.31
O ta ũu kwaĩ asili, na kĩla ũmwe eethĩawa na nguma ĩvindanĩ yĩla yake,
asili asu mayaathaitha ngai sya mĩvw'anano,
mayaaĩthyũũa makamũtia Mwĩai;
malilikanawe na ũtanu!
12Mavĩndĩ moo methĩwe thayũ ĩngĩ me o mbũanĩ,
na masyĩtwa ma andũ asu me nguma maiendeea kwĩthĩwa vo kwĩsĩla nzyawanĩ syoo.
Samũeli
13 #
1Sam 3.19-20; 7.9-11; 10.1; 16.13; 28.18-19 Samũeli nĩwendetwe nĩ Mwĩai,
nũndũ aĩ mwathani wa Mwĩai, nĩwambĩĩie ũsumbĩ,
nĩwetĩkĩisye atongoi mauta masumbĩke andũ make.
14Nĩwasilanasya andũ kwĩanana na mĩao ya Mwĩai,
na Mwĩai nĩwasũvĩie nzyawa sya Yakovo.
15Nũndũ wa ũĩkĩĩku wake, andũ nĩmamanyie kana aĩ mwathani,
na nũndũ wa ndeto syake, andũ nĩmamanyie kana aĩ mwoni wa kũĩkĩĩwa.
16Yĩla amaitha make mamũvithũkĩie kuma kĩla ngalĩko,
Samũeli nĩwamwĩkaĩlile Mwĩai, Mwene Ũtonyi,
na aumya nthembo ya katena ka ĩlondu kekwonga.
17Nĩvo ĩndĩ Mwĩai watundumie e ĩtunĩ,
na atuma wasya wake wĩw'ĩka wĩ na kĩlitũko kĩnene.
18Ngai nĩwooaie atongoi ma amaitha,
na ooaa atongoi onthe ma Avilisiti.
19Samũeli atanamba kũkw'a,
nĩwakũsĩĩie mbee wa Mwĩai na mbee wa mũsumbĩ ũla wetĩkĩw'e mauta eea andũ atĩĩ,
“Vai mũndũ naavena kĩndũ, o na ndyaavena mũndũ iatũ.”
Vai mũndũ o na ũmwe waamũvinganĩsya.
20O na ĩtina wa kĩkw'ũ kyake nĩwathanie ĩngĩ,
atavya Mũsumbĩ Saũlo ĩũlũ wa kĩkw'ũ kyake;
nĩwookĩlilye wasya wake athana e mbũanĩ,
nĩ kana avete ũthũku wa andũ.
Currently Selected:
Sil 46: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011