Sil 37
37
Anyanya ma Ũvũngũ
1Kĩla mũndũ nũtonya kũneena akasya atĩĩ, “O nakwa nĩ mũnyanyau;”
ĩndĩ amwe moo no anyanya kwa ĩsyĩtwa.
2Kĩthĩawa kyeva kĩnene mũno ta kya kũkw'ĩĩwa,
yĩla ũla mwĩ ndũũ mũno wakũtw'ĩkĩa mũmaitha.
3We kĩsũanĩo kĩthũku,
woombiwe nĩkĩ wusũasye nthĩ ũkengani?
4Andũ amwe matanaa yĩla mũnyanyae ũendee nesa,
ĩndĩ akwatwa nĩ mathĩna maitw'ĩka amaitha make.
5Andũ amwe matetheeasya anyanyae nĩ kana makwate kĩndũ maye,
ĩndĩ kwooka kaũ mesĩ kwĩsũvĩa mo ene.
6Ndũkolwe nĩ mũnyanyau ũla wa w'o,
mũlilikane yĩla ũkũaany'a ũthwii waku.
Ĩsũvĩe Yĩla Ũkwosa Ũtao
7Kĩla mũtai akathĩĩaa ũtao wake,
ĩndĩ amwe manenganae ũtao me na itumi syoo ene.
8Ĩsũvĩe mũndũ ũla ũkũnengae ũtao,
amba kũmantha ũmanye eenda kyaũ,
nũndũ ũtao wake nĩ kwĩanana na kĩla ũkwenda,
nokwĩthĩwa avangĩte kũkwĩka ũndũ mũthũku.
9Nũtonya kũneena naku akakwĩa, “Ĩka ũu nĩ w'o ũseo,”
ĩndĩ aisyoka ũkwathũkĩa one kĩla kĩkũkwata.
10Ndũkakũlye ũtao kuma kwa ũla ũtakũĩkĩĩaa,
vitha mĩvango yaku ndĩkamanyĩke nĩ andũ ala makwĩw'ĩaa kĩwĩu.
11Ndũkakũlye mũndũ mũka akũnenge ũtao ĩũlũ wa mũndũ mũka ũngĩ matew'anaa,
kana ũkũlye mũndũ wĩ w'ĩa ũtao ĩũlũ wa kaũ;
ndũkakũlye mũtandĩthya ũtao ĩũlũ wa mathooa ma syĩndũ,
kana ũkũlye mũthooi ũtao ĩũlũ wa kũthoosya;
ndũkakũlye mũndũ mũtoonu ũtao ĩũlũ wa kũtũnga mũvea,
kana ũkũlye mũndũ ũte tei ũtao ĩũlũ wa kwĩw'ĩa andũ tei;
ndũkakũlye mũndũ mũtulu ũtao ĩũlũ wa wĩa o na wĩva,
kana mũthũkũmi wa kĩvalũa ũtao ĩũlũ wa kũmina wĩa wake;
ndũkakũlye mũthũkũmi mũtulu akũnenge ũtao ĩũlũ wa wĩa wĩ vinya,
ndũkaaĩkwatye andũ asu makũnenge ũtao o na wĩva.
12Ĩndĩ wenda ũtao, kũlasya mũndũ wĩ kĩkĩo kya Ngai,
ũla we wĩsĩ kana nũkwataa mĩao,
ũla wĩ nake mwĩw'anaa,
ũla ũtonya kũkwĩw'ĩa tei waemwa nĩ ũndũ.
13Kwataa ũtao wa ngoo yaku mwene,
nũndũ vai mũndũ mũĩkĩĩku kwĩ ngoo yaku.
14Nĩkwĩthĩwa mavinda maingĩ ngoo ya mũndũ nĩmũtavasya maũndũ maingĩ,
mbee wa asyaĩĩsya mũonza mekũsyaĩĩsya me kĩtaanĩ.
15Vamwe na maũndũ asu onthe, mũvoyae Ũla wĩ Ĩũlũ Mũno,
akũtongoeasye nthĩnĩ wa ũla w'o.
Ũĩ wa W'o na wa Ũvũngũ
16Mũndũ nĩwambaa kũoany'a na andũ mbee wa kwĩka ũndũ,
na nũkũlasya ũtao mbee wa kwambĩĩa ũndũ.
17Mesilya onthe ma mũndũ maumaa ngoonĩ,
na maumaa me mĩthemba ĩna:
18Ũseo na ũthũku, thayũ na kĩkw'ũ,
na mavinda onthe masumbĩkawa nĩ ũĩmĩ.
19Mũndũ nũtonya kwĩthĩwa e mũĩ na ayĩthĩwa amanyĩasya andũ aingĩ,
ĩndĩ ũyĩthĩa vai ũseo wĩyĩkaa we mwene.
20Mũndũ ũneenaa nesa nũtonya kũmenwa nĩ andũ,
na ayaĩwa nĩ lĩu o na wĩva ũla ũtonya kũya,
21nũndũ Mwĩai ndaamũnenga mumo,
nĩkwĩthĩwa nde na ũĩ o na vanini.
22Mũndũ nũtonya kwona e mũĩ,
na ayenda ũmanye kana ndeto ila ũneenaa nũsyĩsĩ nesa.
23Mũndũ mũĩ nũmanyĩasya andũ make,
na maimanya nesa kana ndeto ila ũmanyĩasya nĩ sya w'o.
24Mũndũ mũĩ akataĩwa mũno,
na onthe ala mamwonaa makamwĩtaa mũathime.
25Matukũ ma thayũ wa mũndũ methĩawa me matale,
ĩndĩ matukũ ma andũ ma Ĩsilaeli maitalĩka.
26Mũndũ mũĩ nũĩkĩĩawa nĩ andũ make,
na ĩsyĩtwa yake yĩkalilikanawa tene na tene.
Kwĩthĩwa na Wĩting'o
27Mwana wakwa, ĩmanye yĩla wĩ thayũ,
manya kĩla kĩthũku kwaku na ndũkakĩtĩkĩle.
28Nũndũ ti syĩndũ syonthe syĩthĩawa syĩ nzeo kwa kĩla mũndũ,
na ti kĩla mũndũ ũtanĩaa syĩndũ syonthe.
29Ndũkethĩwe na ĩtomo ya kũya kĩla lĩu mũseo,
ndũkasumbĩkwe nĩ lĩu,
30nũndũ mũndũ aya mũno nũwaa,
na ĩtomo nĩyĩtumaa mũndũ avũnĩwa.
31Andũ aingĩ nĩmoaĩtwe nĩ ĩtomo;
na mũndũ ũla wĩsũvĩanaa na ĩtomo nĩwĩkalaa thayũ mũasa.
Currently Selected:
Sil 37: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011