Sil 27
27
1Andũ aingĩ nĩmekĩte naĩ maimantha ũtandĩthyo,
na ũla wendaa kwĩthĩwa e mũthwii no nginya esũvĩe kũla ũsiasya na metho make.
2O tondũ kyambo kĩathĩĩawa katĩ wa mavia kĩkalũma,
now'o naĩ ĩlikaa katĩ wa kũthooa na kũthoosya ĩkalũma.
3Ethĩwa mũndũ ndeyumĩtye kũmũkĩa Mwĩai,
mũsyĩ wake nũminawa o kwa mĩtũkĩ.
Ũneeni Wonanasya kĩla kĩ Ngoonĩ
4Yĩla kĩsungi kyathingithw'a, mavuti nĩmatialaa,
ũu now'o mavĩtyo ma mũndũ monekaa yĩla waneena.
5O tondũ syĩndũ ila mũmbi wa mbisũ wũmbaa ivĩvĩaw'a ndumbĩanĩ na kũmanyĩka kana nĩ nzeo,
now'o mũndũ ũmanyĩkaa kumana na ũneeni wake.
6 #
Mat 7.14; 12.33; Lk 6.44 O tondũ matunda monanasya ũndũ mũtĩ ũsũvĩĩtwe,
now'o ndeto sya mũndũ syonanasya ũndũ kĩlĩko kyake kĩilyĩ.
7Ndũkaakumye mũndũ ũtanamba kwĩw'a ndeto syake,
nũndũ mũndũ amanyĩkaa ũndũ ũilyĩ kumana na ũneeni wake.
Ũĩkĩĩku
8Wamantha ũlũngalu, ũkaũkwata,
na wĩ naw'o ũkeethĩwa ta wĩkĩĩte ngũa ndaasa ya ndaĩa.
9O tondũ nyũnyi sya mũthemba ũmwe syũmbanaa vamwe,
now'o ũw'o wĩthĩawa kwa ala maũatĩĩaa.
10O tondũ mũnyambũ woveeasya ũkwate nyamũ,
now'o naĩ yeteelaa ala mekaa ũthũku.
11Ũneeni wa ala mamũkĩaa Ngai wĩthĩawa kĩla ĩvinda wĩ wa ũĩ,
ĩndĩ ndia ĩalyũkaa ta mwei.
12Weeyĩthĩa katĩ wa andũ atumanu, mantha ũndũ ũtonya kũmatia,
ĩndĩ eethĩwa wĩ na andũ me na kĩlĩko endeea kwĩkala namo.
13Ũneeni wa ndia wĩthĩawa wĩ wa kũthatya;
ivũaa ngũĩ ĩũlũ wa naĩ ila nthũku vyũ.
14Ndeto sya andũ ala mevĩtaa nitumaa nzw'ĩĩ sya mũndũ iũngama,
na ĩteta yoo nĩyĩtumaa andũ makunĩka matũ.
15Kĩthokoo kya andũ ala mekathĩĩaa nĩkĩtumaa andũ moaana,
na mũndũ nĩwĩw'aa nthoni kwĩthukĩĩsya kũumangana kwoo.
Kumbũa Syĩmbithĩ
16 #
Nth 20.19; 25.9 Ũla wumbũaa syĩmbithĩ nũekaa kũĩkĩĩwa,
na ndakakwata mũnyanyae mekalany'a ĩvinda ĩasa.
17Mwende mũnyanyau na ũimũĩkĩĩa,
ĩndĩ waumbũa syĩmbithĩ syake manya kana nĩwakũtia.
18Nĩkwĩthĩwa o ũndũ mũndũ ũminaa mũmaitha wake,
now'o wĩthĩawa amina ũnyanya na mũtũi waku.
19O ũndũ mũndũ aeka nyũnyi ĩũlũke kuma mokonĩ make ĩtamũsyokeaa,
now'o waeka mũtũi waku akũtie wĩthĩawa ũtatonya kũmũkwata ĩngĩ.
20Ndũkamũatĩĩe nũndũ nũminĩte kũthi vaasa mũno,
na nũkĩĩte ta nthia kuma mũteonĩ.
21Kĩtau nĩkĩtonya kwovwa,
na mũndũ auma ũngĩ nũtonya kũekewa,
ĩndĩ ũla wumbũaa kĩmbithĩ ndethĩawa na wĩkwatyo.
Ũseleke
22Mũndũ ũla ũveneasya ũngĩ ethĩawa aivanga kwĩka maũndũ mathũku,
na vai mũndũ ũtonya kũmũsiĩĩa ndakameke.
23Yĩla wĩ na mũndũ wa mũthemba ũsu, aneenaa ndeto syĩ mũyo,
na nĩwendeeaw'a nĩ ndeto ila ũmũtavasya.
Ĩndĩ ĩtina nũvĩndũaa ũneeni wake,
na aituma ũlika thĩnanĩ nũndũ wa ndeto syaku mwene.
24Thayũnĩ wakwa nĩnĩmenete maũndũ maingĩ,
ĩndĩ nĩnĩmenete mũndũ wa mũthemba ũsu mbee wa syĩndũ ila ingĩ syonthe,
o na Mwĩai nũmũmenete.
25Ũla wĩkasya ĩvia na ĩũlũ yĩmũvalũkĩlaa mũtwenĩ wake mwene,
na ũla wĩkasya ngundi akũne mũndũ ũngĩ eyĩkĩaa itau mbingĩ.
26Ũla wĩnzaa ĩima, akalika vo we mwene,
na ũla ũteaa kĩtei, akakwatw'a nĩkyo.
27Mũndũ eeka ũndũ mũthũku, ũthũku ũsu ũkamũsyokea,
na ndamanyaa kũla ũthũku ũsu wumie.
28Mũndũ wĩ mĩkathĩĩo e kĩvũthya na nũumanaa,
ĩndĩ vethĩawa mũndũ weteelete ta mũnyambũ aĩvanĩsye.
29Ala matanĩaa kũvalũka kwa ala mamũkĩaa Ngai makakwatw'a nĩ mũteo,
na matanamba kũkw'a makeethĩwa na woo mwingĩ.
Ũthatu na Kũĩvanĩsya
30Ũthatu na ũthilĩku nĩ syĩndũ sya kũthatya,
ĩndĩ ũu wĩ o vo, mũndũ ũla wĩkaa naĩ nĩwĩthĩawa nasyo.
Currently Selected:
Sil 27: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011