Sil 25
25
Andũ ala Maĩlĩte Kũtaĩwa
1Ve maũndũ atatũ ala mandanĩthasya,
na o ta ũu maũndũ asu nĩmamwendeeasya Mwĩai na andũ.
Maũndũ asu nĩ:
Andũ masyaanĩw'e mew'anaa, atũi me ndũũ, na mũndũ na mũka ala mekalanasya na mũuo.
2Ve andũ ma mĩthemba ĩtatũ ala ndendeeaw'a nĩmo,
na nĩnthataw'a nĩ mwĩkalo woo:
Ngya yĩkathĩĩaa,
mũthwii ũkenganaa,
na mũndũ mũkũũ mũtumanu wĩkaa ũlaalai.
3Ethĩwa vai kĩndũ waaũmbany'a wĩ wa mũika,
yĩla wĩkũa ũtonya kwĩsa kwĩthĩwa wĩ na kĩndũ ata?
4Nĩ ũndũ wa kwendeesya mũno mũndũ wĩ na mbuĩ ayumya ũtw'ĩo ũla waĩlĩte,
na mũndũ mũkũũ kũnengane ũtao mũseo!
5Nĩ ũndũ wa kwendeesya mũno mũndũ mũkũũ kwĩthĩwa e na ũĩ,
na mũndũ wĩ ndaĩa kwĩthĩwa na ũmanyi na ũtao.
6Kwĩthĩwa mũndũ esĩ maũndũ maingĩ,
nĩyo ngovia ya kĩ-ũsumbĩ ya ala akũũ,
na mekathĩĩaa nũndũ me na kĩkĩo kya Mwĩai.
7Nĩnĩsĩ maũndũ kenda ala nĩkalasya ngoonĩ yakwa,
o ta ũu nĩngũweta ũndũ wa ĩkũmi:
Mũndũ ũla ũtanĩthaw'a nĩ syana syake;
mũndũ ũla wĩkalaa nginya akesa kwona amaitha make maisindwa.
8Mũndũ-ũme ũla wĩkalaa na kĩveti kĩ kĩlĩko ekalaa na ũtanu,
ũla ũtaendaa kũĩma mũũndanĩ e na nzaũ na ĩng'oi,#25.8 ũla ũtaendaa kũĩma mũũndanĩ e na nzaũ na ĩng'oi: Ndeto ii syĩ maandĩkonĩ amwe ma tene ma Ndeto ya Ngai, ĩndĩ ii maandĩkonĩ ma Kĩkiliki
mũndũ ũla ũtavĩtasya ũneeninĩ wake,
na mũndũ ũla ũtathũkũmaa mũndũ wĩ ndaĩa nini kwĩ we.
9Mũndũ ũla ũkwataa mũnyanyae mũĩkĩĩku nũtanaa,
na o ta ũu mũndũ ũla ũtavasya andũ methukĩĩsye nesa nũtanaa.
10Mũndũ ũla ũkwataa ũĩ ethĩawa e mũndũ wĩ ndaĩa mũno,
ĩndĩ ũla mũnene kwĩ ũsu nĩ ũla ũmũkĩaa Mwĩai.
11Kũmũkĩa Mwĩai nĩkũvĩtũkĩte maũndũ onthe.
Nũũ ũtonya kũvw'ananw'a na mũndũ ũla wĩ na kĩkĩo kya Ngai?
12 # 25.12 Maandĩko amwe ma Ndeto ya Ngai nĩmongelete mũsoa wa ĩkũmi na ilĩ ũkwasya: Kũmũkĩa Mwĩai nĩw'o wambĩlĩĩlyo wa kũmwenda, na kwĩthĩwa na mũĩkĩĩo nĩw'o wambĩlĩĩlyo wa kũmwĩkwatya.
Kĩveti Kĩseo na Kĩveti Kĩthũku
13Vai kũũmĩa kũthũku ta kũũmĩa ngoo,
na vai mathĩna mathũku ta mathĩna ala maetawe nĩ kĩveti!
14Vai thĩna mũthũku mbee wa thĩna ũla ũetawe nĩ andũ ala makũmenete,
na vai kwĩyĩĩvanĩsya kũthũku mbee wa kwĩyĩĩvanĩsya kwa mũmaitha!
15Vai sumu mũthũku mbee wa sumu wa nzoka,
na vai ũthatu mũthũku mbee wa ũthatu wa mũmaitha.#25.15 mũmaitha: Maandĩko angĩ ma Ndeto ya Ngai maĩtye kĩveti.
16Nĩ kavaa ngekalany'a na mũnyambũ na mũkũnga,
kũte kwĩkalany'a na kĩveti kĩthũku.
17Ũthũku wa kĩveti nũtumaa kĩalyũka ũthyũ;
ũthyũ wakyo nũalyũkaa ũkekala ta wa nyamũ mbai yĩtawa nduva.
18Mũũme wakyo aendaa kũya lĩu kwa atũi,
na ndaleaa kũvevũũka nĩ woo ũla wĩ ngoonĩ yake.
19Mavĩtyo onthe nĩ manini maisyaanĩw'a na mavĩtyo ma kĩveti;
kĩveti kĩu kyaĩlĩte kũkwatwa nĩ thĩna ũla ũkwataa eki ma naĩ!
20Mũndũ-ũme ũvindĩtye ũla wĩkalanasya na kĩveti kĩ ĩteta,
nĩ ũndũ ũmwe na mũndũ mũkũũ ũkũlĩsa kĩĩma kĩ kĩthangathĩ.
21Ndũkaakwatw'e nĩ wanake wa mũndũ mũka,
na ndũkaaendeew'e nĩ mũndũ mũka nũndũ wa syĩndũ ila wĩ nasyo.
22Nĩ ũndũ wa kũthatya, wĩ kĩvũthya na wĩ nthoni mũno,
mũndũ-ũme kũmanthĩwa nĩ kĩveti.
23Thayũ wĩ na woo, kũlea kwĩthĩwa na ũtanu,
na kũkw'a ngoo kũetawe nĩ kĩveti kĩthũku.
Kĩveti kĩla kĩtatanĩthasya mũũme,
nĩkĩtumaa ethĩwa na w'ĩa na atatonya kũtw'a ũndũ.
24Naĩ yambĩĩie kumana na mũndũ mũka,
na nũndũ wake ithyonthe nĩtũkusaa.
25O tondũ ũtaekaa kĩw'ũ kĩketĩka,
o ta ũu ndũkaeke kĩveti kĩthũku kĩneene ũndũ kĩkwenda.
26Ethĩwa kĩikwenda kwĩka ũndũ ũũkĩtavya,
taanĩsya nakyo.#25.26 Mĩao ya Mwose nĩyeetĩkĩlĩtye mũndũ kũtaanĩsya na mũka. Sisya Kũt 24.1-4.
Currently Selected:
Sil 25: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011