Sav 8
8
Ũnene wa Ngai na Ndaĩa ya Mũndũ
Kwa mwinĩthya: Savulĩ ĩno yaandĩkiwe nĩ Ndeviti
1Ame Mwĩai Ngai, Ngai waitũ,
kaĩ ĩsyĩtwa yaku yĩnenevete ũu ĩũlũ wa nthĩ!
Ũkumyo waku wambatĩte nginya ĩũlũ ĩtunĩ.
2 #
Mat 21.16
Ũkumyo waku nĩwinawa nĩ syana na tũũkenge.
Wĩ ũsũvĩonĩ kumana na amaitha maku,
nũsiĩĩaa mũndũ o na wĩva ũla ũleanaa naku.
3Yĩla nasisya matu,
wĩa wa moko maku,
na nasisya mwei na ndata,
ila waiie vala syĩthĩawa,
4 #
Yovu 7.17-18; Sav 144.3; Aevl 2.6-8 mũndũ nĩ kyaũ, nĩ kana ũsũanĩe ĩũlũ wake?
O mũndũ, nĩ kana ũthĩnĩke nũndũ wake?
5Nĩwamũmbie akilĩlye kwĩkala ta Ngai;
nũmũnengete kwĩthĩwa na ũkumyo na ndaĩa.
6 #
1Ako 15.27; Aev 1.22; Aevl 2.8 Nĩwatw'ĩkĩthisye mũndũ mũnene wa syĩndũ syonthe ila woombie;
nĩwaiie syĩndũ syonthe syĩthĩwe ungu wa ũtonyi wake:
7Mbũi na malondu na indo,
na nyamũ sya kĩthekanĩ,
8nyũnyi sya yayaya,
na makũyũ ma ũkanganĩ,
na syũmbe syonthe sya ũkanganĩ.
9Ame Mwĩai Ngai, Ngai waitũ,
kaĩ ĩsyĩtwa yaku yĩnenevete ũu ĩũlũ wa nthĩ!
Currently Selected:
Sav 8: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
