Sav 7
7
Mboya ya Kũkũlya Ngai Anengane Ũsili wa Katĩ
Ndeviti ainĩie Mwĩai Ngai Savulĩ ĩno nũndũ wa Kusi ũla waĩ wa mbaĩ ya Mbengyameni
1Ame Mwĩai Ngai, Ngai wakwa nĩvithaa nthĩnĩ waku;
ndangĩĩe na kũmbonokya kuma kwa onthe ala mangatĩĩaa,
2maikese kũndembũanga ũndũ mũnyambũ ũtembũangaa nyamũ,
na maingusĩthya mandwae, vate mũndũ ũtonya kũndangĩĩa.
3Ame Mwĩai Ngai, Ngai wakwa,
ethĩwa nĩnĩkĩte ũũ;
ethĩwa nĩnĩkĩte ĩvĩtyo,
4ethĩwa nĩnĩkĩte mũnyanyawa naĩ,
kana ngavena mũmaitha wakwa kĩndũ vate kĩtumi,
5eka mũmaitha makwa angatĩĩe na kũngwata,
eka anginyangĩe nthĩ na kũmbũaa,
na kũndia nĩvalũkĩte nthĩ nĩ mũkw'ũ!
Sela
6Ame Mwĩai Ngai ũkĩla ũthatunĩ waku;
ũkĩla ũsiĩĩe ũthatu wa amaitha makwa;
ũkĩla Ngai wakwa; umya sila wa katĩ.
7Ũmbany'a andũ onthe vakuvĩ naku,
na ũimasumbĩka kuma ĩũlũ.
8Mwĩai Ngai nĩwe ũsilĩlaa andũ.
Ame Mwĩai Ngai, nzilĩle kwĩanana na ũlũngalu wakwa,
na kwĩanana na ũseo ũla wĩ nthĩnĩ wakwa.
9 #
Ũvu 2.23
Wĩ Ngai mũlũngalu,
na nũmanyaa mesilya ma andũ,
na kĩla kĩ ngoonĩ syoo.
Mina ũthũku ũla andũ athũku mekaa,
na ũyĩka ala alũngalu nesa.
10Ngai nĩwe ngao yakwa,
ũla ũtangĩĩaa ala mamwĩw'aa.
11Ngai nĩ mũsili mũlũngalu,
na kĩla ĩvinda nũleanaa na ũthũku.
12Mũndũ alea kwĩlila,
Ngai nũnoaa ũvyũ wake;
nũkootaa ũta wake eteelete kũatha.
13Nĩwũmbanasya mĩio yake ya kaũ ĩla yũaa;
nũtumaa maangi make methĩwa na mwaki.
14Mũndũ mũthũku asũanĩaa kwĩka naĩ,
na ũndũ andũ matonya kwĩka naĩ,
na aneenaa ũvũngũ.
15Nĩwĩnzaa ĩima na kũyĩvukũa,
nũlikaa ĩimanĩ yĩu we mwene wĩnzĩte.
16Ũthũku wake nũmũsyokeaa we mwene,
ũng'endu wake nũsyokaa ũkamwĩka naĩ.
17Nĩngũtũngĩa Mwĩai Ngai mũvea,
nũndũ wa ũlũngalu wake,
na nĩngwina ngĩkumya ĩsyĩtwa ya Mwĩai Ngai, Ũla wĩ Ĩũlũ Mũno.
Currently Selected:
Sav 7: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
