Sav 70
70
Mboya ya Kwĩtya Ũtethyo kuma kwa Ngai
(Sav 40.13-17)
Kwa mwinĩthya: Savulĩ ĩno yaandĩkiwe nĩ Ndeviti kwondũ wa nthembo ya ũlilikany'o.
1Ame Ngai endeew'a nĩ kũmbonokya!
Ame Mwĩai Ngai ĩkalaate ũndethye.
2Ala mendaa kũmbũaa nĩmasindwe na kũvũavũana,
ala matanaa yĩla ngũthĩnw'a nĩmalũngw'e na maisonokw'a!
3Tuma ala manthekeeaa mayasya, “Aa! Aa!”
Masaanĩw'a nũndũ wa kũsindwa kwoo.
4Ĩndĩ onthe ala makũmanthaa,
nĩmatane na kwĩw'a mũyo nũndũ waku!
Onthe ala mendete ũtangĩĩo waku,
nĩmaneenae kĩla ĩvinda na kwasya, “Ngai nĩ mũnene.”
5Ĩndĩ nyie nĩ ngya na mũthĩni;
ame Ngai ĩkalaate wũke vala nĩĩ!
Nue mũtangĩĩi na mũtethya wakwa;
ame Mwĩai Ngai ndũkekalange.
Currently Selected:
Sav 70: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
