Sav 6
6
Mboya ya Kũkũlya Ũtethyo Ĩvindanĩ ya Thĩna
Kwa mwinĩthya: Aitũmĩa mĩio ya Mbathi yĩ ndii. Savulĩ ĩno yaandĩkiwe nĩ Ndeviti
1 #
Sav 38.1
Ame Mwĩai Ngai ndũkangany'e ũthatunĩ waku,
o na ndũkanzilĩle ũthilĩkunĩ waku.
2Ame Mwĩai Ngai mbĩw'ĩe tei, nũndũ nĩ mwonzu.
Ame Mwĩai mbosye nũndũ mwĩĩ wakwa wĩ na thĩna.
3O ta ũu nĩ na thĩna mwingĩ thayũnĩ.
Ame Mwĩai Ngai wĩndeka ũu nginya ĩndĩĩ?
4Ame Mwĩai Ngai ũka ũndangĩĩe;
ndangĩĩe nũndũ wa wendo waku ũtaolekaa.
5Nũndũ vai mũndũ ũkũlilikanaa e mũkw'ũ.
Ũla ũtonya ũkũtaĩa e mbũanĩ nũũ?
6Nĩnĩnoetw'e nĩ kũluma kwakwa;
kĩla ũtukũ nĩnĩnyithasya kĩtanda kyakwa na methoi;
nĩnĩkolasya mũto wakwa na methoi.
7Kyeva nĩkĩtumĩte metho makwa matona nesa,
nĩekete kwona nũndũ wa amaitha makwa.
8 #
Mat 7.23; Lk 13.27 Umai vala nĩĩ inyw'ĩ andũ athũku,
nũndũ Mwĩai Ngai nĩwĩw'ĩte kĩĩo kyakwa.
9Mwĩai Ngai nĩwĩw'ĩte kĩĩo kyakwa ngĩmũkũlya ambĩw'ĩe tei,
Mwĩai Ngai nĩwĩtĩkĩlĩte mboya yakwa.
10Amaitha makwa onthe makakwatwa nĩ nthoni na kũsaanĩw'a;
makasyoka na mĩtũkĩ me na nthoni mbingĩ.
Currently Selected:
Sav 6: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
