Sav 68
68
Wathi wa Ũsindi
Kwa mwinĩthya: Savulĩ ĩno yaandĩkiwe nĩ Ndeviti
1Ngai nĩokĩle, amaitha make nĩmanyaĩĩke;
ala mamũmenaa nĩmakĩe maume mbee wake.
2O tondũ syũki yĩũlũkaw'a nĩ kĩseve, maũlũkye o ũu,
na o tondũ ĩsoso yĩtwekaa yathengeew'a mwakinĩ,
ala athũku nĩmae mbee wa Ngai.
3Ĩndĩ ala alũngalu nĩmew'e mũyo,
nĩmatane me mbee wa Ngai,
ĩĩ, matane na mayĩw'a mũyo.
4Mwinĩei Ngai, inai mũitaĩa ĩsyĩtwa yake,
mwinĩei ũla ũendaa akuĩlĩtwe mathweonĩ.#68.4 mwinĩei ũla ũendaa akuĩlĩtwe mathweonĩ: Kana mũseũvĩsyei nzĩa ũla ũendaa akuĩlĩtwe weũnĩ
Ĩsyĩtwa yake nĩ Mwĩai Ngai;
tanai mwĩ mbee wake!
5Ngai ũla wĩkalaa Ĩkalũnĩ yake ĩtheu,
nũsũvĩaa syana ndiwa na aka ndiwa.
6Ngai nũnengae ũla ũtiĩtwe e weka mũsyĩ wa kũtũa,
nĩwumasya ala ove yela makethĩwa na ũtanu,
ĩndĩ ala ang'endu matũaa ĩng'alatanĩ.
7Ame Ngai, yĩla watongoeisye andũ maku,
yĩla wesĩlile weũnĩ,
Sela
8 #
Kuma 19.18
nthĩ nĩyatetemie na mbua yaua,
mbee wa Ngai, Ngai wa Sinaĩ,
mbee wa Ngai, Ngai wa Ĩsilaeli.
9Nĩwatumie mbua mbingĩ yua,
na watũngĩĩa nthĩ yaku ĩla yaĩ nyũmũ.
10Andũ maku nĩmatũie vo,
naku Ngai kwa ũseo waku nĩwatetheeisye athĩni.
11Mwĩai Ngai nĩwaumisye mwĩao,
na watavanw'a nĩ aka aingĩ mayasya,
12“Asumbĩ na asikalĩ moo ma kaũ nĩmasembete makĩĩte.”
Aka ala me mũsyĩ nĩmekũaana mũtavo.
13O na vala nĩmakomaa syengonĩ sya malondu,
nĩ ta nthwau sya ĩvũĩ#68.13 ĩvũĩ: Ĩvũĩ yĩtũmĩĩtwe vandũ va Ĩsilaeli ivw'ĩkĩtwe nĩ silĩva,
na nzĩa sya ĩvũĩ yĩu ivw'ĩkĩtwe nĩ thaavu ũũtisatisa.
14Yĩla Ngai Mwene Ũtonyi W'onthe wavalaanĩilye asumbĩ Kĩĩmanĩ kya Nzalimoni,
nĩwatumie ĩa yĩtheea kĩĩmanĩ kĩu.
15We Kĩĩma kya Mbasani,
kĩĩma kĩtũlu mũno;
we kĩĩma kĩ mĩthya mingĩ,
Kĩĩma kya Mbasani.
16We kĩĩma kĩ mĩthya mingĩ,
nĩkĩ ũũsisya na kĩwĩu kĩĩma kĩla Ngai wanyuvie ekalae,
kĩĩma kĩla Mwĩai Ngai wĩtũa tene na tene?
17Mwĩai nĩwookie kuma Sinaĩ vandũnĩ vake vatheu,
e na makasya make ma kaũ ngili mbingĩ mũno me ũtonyi.
18 #
Aev 4.8
Nĩwambatie ĩũlũ ũtongoesye andũ ala maĩ atave,
nĩwoosie mĩthĩnzĩo kuma kwa andũ,
o na kuma kwa andũ ang'endu.
Nĩ kana we Mwĩai Ngai ũtũae vo.
19Nĩataĩwe Mwĩai,
ũla kĩla mũthenya ũtũtethasya mathĩnanĩ maitũ;
nĩwe mũtangĩĩi waitũ.
Sela
20Ngai waitũ nĩ Ngai ũtangĩĩaa;
nĩwe Mwĩai Ngai, Ngai waitũ,
ũla ũtũtangĩĩaa kuma kĩkw'ũnĩ.
21Kwa w'o Ngai akaatũa mĩtwe ya amaitha make,
akaatũa lolotya wa andũ ala maendeeaa na kwĩka naĩ.
22Mwĩai easya atĩĩ, “Ngaumya amaitha maku Mbasani,
ngamaumya kũndũnĩ kũliku ũkanganĩ,
23nĩ kana ũkinyangĩle nthakamenĩ yoo,
na ngitĩ iiya nthakame yoo ivũne.”
24Ame Ngai andũ maatĩanĩe me na ũsindi nĩmenekee,
andũ ma Ngai wakwa na Mũsumbĩ,
maatĩanĩe maendete nginya vandũnĩ vake vatheu!
25Mbee ve andũ mainĩte, na ĩtina aini,
na katĩ woo ve eĩtu makũnĩte ndambulĩnĩ.
26“Mũtaĩei Ngai wũmbanonĩ wa andũ make;
mũtaĩei Mwĩai Ngai inyw'onthe nzyawa sya Yakovo”
27Mbengyameni, mbaĩ ĩla nini nĩyo ĩtongoetye,
ĩkaatĩĩwa nĩ atongoi ma mbaĩ ya Yuta na andũ moo,
na ĩkaatĩĩwa nĩ atongoi ma mbaĩ sya Nzevuluni na Navutalĩ.
28Ame Ngai onany'a ũtonyi waku,
ame Ngai onany'a vinya waku,
ũla watũmĩie kwondũ witũ,
29kuma Ĩkalũnĩ yaku Yelũsalemu,
vala asumbĩ makũeteae mĩthĩnzĩo.
30Kany'a nyamũ ila syĩkalaa makangaanĩ;
ndĩthya ya nzaũ na tũsalũ twa andũ,
nginya onthe makumane makũnenge ndaĩa na maikumĩsya koti.
Nyaĩĩkya andũ asu ala mendeeaw'a nĩ kwambĩĩa kaũ.
31Kyũma kĩtawa mbulonzi nĩkĩetwe kuma Misili,
andũ ma Ethiovia nĩmokĩlĩlye Ngai moko moo.
32Inyw'ĩ mosumbĩ ma nthĩ inĩai Ngai,
inĩai Mwĩai mbathi sya kũmũtaĩa.
Sela
33Mwinĩei ũla wĩsĩlaa yayayanĩ, yayaya ya tene mũno,
mwĩthukĩĩsyei ũla ũneenaa na wasya wĩ ũtonyi.
34Tavany'ai ĩũlũ wa vinya wa Ngai,
ũnene wake wĩ ĩũlũ wa nthĩ yonthe ya Ĩsilaeli;
ũnene wake wĩ yayayanĩ.
35Ngai nĩ wa kũtĩsya e vandũnĩ vake vatheu;
Ngai wa Ĩsilaeli,
nĩwe ũnengae andũ make vinya na ũtonyi.
Ngai nĩataĩwe!
Currently Selected:
Sav 68: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
