Sav 67
67
Wathi wa Kũtũnga Mũvea
Kwa mwinĩthya: Aitũmĩa mĩio ya mbathi yĩ ndii. Wathi.
1Ngai nĩatwĩw'ĩe tei na kũtũathima,
na aitũtisĩsya ũthyũ wake kwa ũseo wake.
Sela.
2Nĩ kana andũ onthe ĩũlũ wa nthĩ mamanye kwenda kwake,
na kũmanya vinya wa ũtangĩĩo wake.
3We Ngai andũ nĩmakũtaĩe;
andũ onthe nĩmakũtaĩe.
4Andũ ĩũlũ wa nthĩ nĩmew'e na kwina mbathi sya ũtanu,
nĩkwĩthĩwa nũsilĩlaa andũ na ũsili wa katĩ,
na kũtongoesya nthĩ syonthe ĩũlũ wa nthĩ.
Sela
5We Ngai andũ nĩmakũtaĩe;
andũ onthe nĩmakũtaĩe.
6Nthĩ nĩetete ngetha ya yo,
Ngai, Ngai waitũ nũtũathimĩte.
7Ngai nũtũathimĩte;
andũ onthe ĩũlũ wa nthĩ nĩmamũnenge ndaĩa.
Currently Selected:
Sav 67: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
