Sav 64
64
Mboya ya Kwĩtya Ũsũvĩo
Kwa mwinĩthya: Savulĩ ĩno yaandĩkiwe nĩ Ndeviti
1Ame Ngai ĩw'a wasya wakwa,
na ũyĩthukĩĩsya kĩĩo kyakwa;
sũvĩa thayũ wakwa ndikakĩe mũmaitha.
2Nzũvĩe kumana na mĩvango mĩthũku ya ala athũku,
na kuma kĩthokoonĩ kya eki ma naĩ.
3Manoaa nĩmĩ syoo ta tũvyũ,
na kũeleelya ndeto nthũku ta maangi me ĩvai,
4nĩ kana me vala mevithĩte maathe mũndũ ũte ĩvĩtyo;
nĩmamũathaa mĩtũkĩ mateũkĩa.
5Mekĩanaa vinya mĩvangonĩ yoo mĩthũku,
nĩmavangaa vala meũtea itei syoo kĩmbithĩnĩ,
na kũneena mayasya atĩĩ, “Vai mũndũ ũtonya kũsyona.”
6Maseũvasya mũvango mũthũku na kwasya,
“Nĩtwaseũvya mũvango mwaĩlu!”
Kwa w'o mosũanĩo ma mũndũ na ngoo yake iimanyĩka.
7Ĩndĩ Ngai akamaatha na maangi;
makaũmĩw'a mĩtũkĩ.
8Akamamina nũndũ wa ndeto isu syoo;
onthe ala memonaa makathingithasya mĩtwe.
9Nĩvo ĩndĩ andũ onthe makakĩa;
makatavany'a ĩũlũ wa maũndũ ala Ngai wĩkĩte,
na kũsũanĩaa ĩũlũ wa mawĩa make.
10Andũ ala alũngalu makatana nthĩnĩ wa Mwĩai Ngai,
na mayĩvitha nthĩnĩ wake;
andũ onthe ala alũngalu makamũtaĩa.
Currently Selected:
Sav 64: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
