Sav 63
63
Waũni wa Kwenda Ngai
Savulĩ ĩno yaandĩkiwe nĩ Ndeviti yĩla waĩ Weũnĩ wa Yuta
1 #
1Sam 23.14
Ame Ngai nue Ngai wakwa;
ngũmanthaa na kĩthing'ĩĩsyo;
ngoo yakwa yĩna waũni kwondũ waku,
mwĩĩ wakwa wĩ na mea naku,
ta nthĩ mbũmũ ĩte na kĩw'ũ.
2Kwondũ wa ũu nĩngũsyaĩtye wĩ vandũnĩ vaku vatheu,
none vinya waku na ũkumyo waku,
3nũndũ wendo waku ũtaolekaa nĩ mũseo mbee wa thayũ,
ngakũtaĩaa na kanyw'a wakwa.
4Ngakũtaĩaa ĩvindanĩ yonthe ya thayũ wakwa,
ngakũkĩlĩlasya moko makwa yĩla ngũvoya.
5Thayũ wakwa ũkeanĩwa ta ĩvinda yĩla naya lĩu mũseo vyũ,
na ngakwinĩa mbathi sya ũtanu ngũtaĩe.
6Yĩla nĩ ũkomonĩ wakwa nĩngũlilikanaa;
ũtukũ w'onthe nzũanĩaa ĩũlũ waku,
7nũndũ wĩthĩĩtwe wĩ mũtethya wakwa,
na ngakwinĩaa na ũtanu nĩ muunyĩnĩ wa nthwau syaku.
8Thayũ wakwa nũendanasya naku vyũ,
na kw'oko kwaku kwa aũme nĩkũnzũvĩaa.
9Ala mamanthaa kũmbũaa makaminwa,
makatheea mathi vala maveva ma ala akw'ũ mekalaa.
10Makooaĩwa kaũnĩ,
makatw'ĩka lĩu wa mbĩwa.
11Ĩndĩ mũsumbĩ akatana e nthĩnĩ wa Ngai;
onthe ala mevĩtaa kwĩka ũndũ kwa kũweta ĩsyĩtwa ya Ngai makamũtaĩa,
ĩndĩ akengani makavindĩthw'a.
Currently Selected:
Sav 63: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
