Sav 62
62
Ngai Nĩwe Wĩvitho wakwa
Kwa mwinĩthya: Savulĩ ĩno yaandĩkiwe nĩ Ndeviti
1Thayũ wakwa ũthũmũaa nthĩnĩ wa Ngai e weka,
ũtangĩĩo wakwa wumaa kwake.
2No we e weka ĩvia yakwa na ũtangĩĩo wakwa;
nĩwe wĩvitho wakwa, ndikathingithĩka nongi.
3Mwĩendeea kũvithũkĩa mũndũ nginya ĩndĩĩ,
nĩ kana inyw'onthe mũmũae,
mũndũ ũilyĩ ũkũta mweeku, ta wiio mwanangĩku?
4Kĩla mũkwenda nĩ kũmũtheesya kuma vandũnĩ va ndaĩa;
nĩmũtanĩaa ũvũngũ.
Mũneenaa ndeto sya kũathima,
ĩndĩ ngoonĩ syenyu mũkĩumanĩa.
Sela
5Thayũ wakwa ũthũmũaa nthĩnĩ wa Ngai e weka;
wĩkwatyo wakwa wumaa kwake.
6No we e weka ĩvia yakwa na ũtangĩĩo wakwa;
nĩwe wĩvitho wakwa, ndikathingithĩka nongi.
7Ũtangĩĩo na ndaĩa yakwa syumaa kwa Ngai,
ĩvia yakwa ĩlũmu na wĩvitho wakwa.
8Inyw'ĩ andũ ĩkĩĩai Ngai mavinda onthe,
mũtavyei kĩla kĩ ngoonĩ syenyu,
nĩkwĩthĩwa Ngai nĩwe wĩvitho witũ.
Sela
9Andũ onthe no ũndũ ũmwe na mĩthũmũ,
onthe, anini na anene nĩ onzu.
Yĩla mathimwa na kĩthimi,
methĩawa me o vathei;
onthe nĩ avũthũ kwĩ nzeve.
10Mũikekwatye maũndũ ma kĩthokoo,
kana kwĩkathĩĩa na ũvenani,
o na ũthwii wenyu waingĩva,
mũikawĩkwatye.
11Ngai nũneenete ĩmwe,
nakwa nĩnĩw'ĩte ũu ĩngĩ na ĩngĩ,
kana vinya nĩ wa Ngai,
12 #
Yovu 34.11; Yel 17.10; Mat 16.27; Alo 2.6; Ũvu 2.23 na kana wendo ũtaolekaa nĩ waku we Mwĩai,
nũndũ nue ũtuvaa kĩla mũndũ kwĩanana na wĩa wake.
Currently Selected:
Sav 62: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
