Sav 61
61
Mboya ya Kwĩtya Ũsũvĩo
Kwa mwinĩthya: Aitũmĩa mĩio ya Mbathi yĩ ndii. Savulĩ ĩno yaandĩkiwe nĩ Ndeviti
1Ame Ngai ĩthukĩĩsye kĩĩo kyakwa;
ĩw'a mboya yakwa.
2Nĩngũkwĩkaĩla kuma nthĩ yĩ kũasa nĩkw'ĩte ngoo,
ndongoesye nĩthĩwe vandũnĩ vala ve ũsũvĩo waku.
3Nĩkwĩthĩwa wĩthĩĩtwe wĩ wĩvitho wakwa,
mwako mũtũlu wa kũnzũvĩa kuma amaithanĩ.
4Nakwa ngatũa nyũmbanĩ yaku tene na tene,
na kwĩvitha muunyĩnĩ wa nthwau syaku.
Sela.
5Nĩkwĩthĩwa we Ngai nĩwĩw'ĩte mawĩvĩto makwa;
nũnengete ũtiĩwa ũla ũnengae ala makũnengae ndaĩa.
6Ongela myaka ya mũsumbĩ;
myaka yake nzyawanĩ mbingĩ syũkĩte.
7Nĩasumbĩke e mbee waku we Ngai tene na tene;
mũsũvĩe na wendo waku ũtaolekaa na ũĩkĩĩku waku.
8Kwoou ngakwinĩaa mbathi sya ũkũtaĩa tene na tene,
nĩendee kwĩanĩsya mawĩvĩto makwa kĩla mũthenya.
Currently Selected:
Sav 61: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
