Sav 60
60
Mboya Ĩtina wa Kũsindwa Kaũnĩ
Kwa mwinĩthya: Savulĩ ĩno yaandĩkiwe nĩ Ndeviti yĩthĩwe ũmanyĩsyo. Amĩandĩkie yĩla wokitie na andũ ma Mesovotamia na ma Silia, na yĩla Yoavu wasyokie na ooaa Aetomu ngili ĩkũmi na ilĩ Mwandanĩ wa Mũnyũ.
1 #
2Sam 8.13; 1Mav 18.12 Ame Ngai nũtũekete na ũkatũnyaĩĩkya,
nĩwĩthĩĩtwe ũtũthatĩe, ĩndĩ yu tũsyokee.
2Nũtumĩte nthĩ ĩthingitha na ũkamyatũa;
yu linda matw'ĩku mayo nĩkwĩthĩwa nĩkũomboka.
3Nũtumĩte andũ maku mathĩna mũno;
nũtũnengete ndivai tũnyw'e ĩla ĩtumĩte tũlũa.
4Ĩndĩ ala maũkĩaa nũmanengete wonany'o,
nĩ kana makĩe wanangĩko.
Sela
5Tũtangĩĩe na ũitũtetheesya na ũtonyi waku,
nĩ kana ala wendete mavonokw'e.
6Ngai nũneenete kuma vandũnĩ vake vatheu akasya atĩĩ,
“Ngaany'a Sekemu nĩna ũsindi mũnene,
na ngĩaanĩsya andũ makwa Mwanda wa Sukothi.
7Ngileati nĩ yakwa na Manase nĩ yakwa;
Evalaimu nĩ ngovia ya kũseseea mũtwe wakwa,
na Yuta nĩyo ndata yakwa ya kĩ-ũsumbĩ.
8Moavi nĩyo kalaĩ kakwa ka kũthambĩa;
ngekya kĩatũ kyakwa nthĩ ya Etomu;
ngookĩlya wasya wa ũtanu namina kũsinda Vilisitia.”
9Nũũ ũla wĩndwaa ndũanĩ mbiĩĩe?
Nũũ ũla wĩndongoesya kũthi Etomu?
10Ame Ngai we tyo ue ũtũleete?
Nũleete kũendany'a na asikalĩ maitũ ma kaũ.
11Tũtetheesye kũsinda amaitha,
nĩkwĩthĩwa ũtethyo wa mũndũ nĩ wa mana.
12Ngai e ngalĩkonĩ yaitũ tũkasinda;
akasinda amaitha maitũ.
Currently Selected:
Sav 60: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
