Sav 5
5
Mboya ya Kũkũlya Ũsũvĩo
Kwa mwinĩthya: Aitũmĩa mĩtũlilũ. Savulĩ ĩno yaandĩkiwe nĩ Ndeviti
1Ame Mwĩai Ngai, ĩthukĩĩsye ndeto syakwa,
na ũyĩw'a kũluma kwakwa.
2Ngai wakwa, na mũsumbĩ wakwa,
ĩthukĩĩsye kĩĩo kyakwa kya kũkũlya ũtethyo,
nĩkwĩthĩwa nue nĩvoyaa.
3Ame Mwĩai Ngai, kwakya nĩwĩw'aa wasya wakwa;
kwakya nĩnĩetae mavata makwa kũla ũĩ,
na kwĩkala neteelete ũnzũngĩe.
4Nũndũ we ndwĩ Ngai ũla ũtanaw'a nĩ ũthũku;
ndwĩtĩkĩlaa ũthũku vala ũĩ.
5Ala mekathĩĩaa maitonya ũkũthengeea;
nũmenaa eki ma naĩ onthe.
6Nũminaa onthe ala maneenaa ũvũngũ;
nũleanaa na oaani na akengani.
7Ĩndĩ nũndũ wa wendo waku mũnene,
nĩndonya kũlika nyũmbanĩ yaku.
Nĩndonya kũthaithĩa Ĩkalũnĩ yaku ĩtheu,
na kũkumana ngũnenge ndaĩa.
8Ame Mwĩai Ngai ndongoesye ũlũngalunĩ waku,
nũndũ nĩna amaitha aingĩ!
Lũngalya nzĩa yaku mbee wakwa.
9 #
Alo 3.13
Ndeto sya amaitha makwa iitonya kũĩkĩĩwa;
ngoo syoo syusũĩte wanangĩko.
Ndeto ila maneenaa iilyĩ ta syaw'o na ta nzeo,
ĩndĩ syusũĩte ũvũngũ mũthei.
10Ame Ngai, masilĩle na ũimakany'a;
mĩvango yoo nĩtume mathela.
Mekye vaasa nũndũ wa mavĩtyo moo maingĩ,
nũndũ nĩmakũng'endeie.
11Ĩndĩ eka onthe ala mevithaa kwaku matane;
eka mainae kĩla ĩvinda nũndũ wa ũtanu.
Sũvĩa ala makwendete,
nĩ kana matane nthĩnĩ waku.
12Nũndũ we Mwĩai Ngai nũathimaa ũla mũlũngalu;
wendo waku nũmũsũvĩaa ta ngao.
Currently Selected:
Sav 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
