Sav 58
58
Kũvoya Ngai Akany'e ala Athũku
Kwa mwinĩthya: Savulĩ ĩno yaandĩkiwe nĩ Ndeviti
1Nĩkũlya, inyw'ĩ ala mwĩ ũtonyi kwa w'o nĩmumasya ũtw'ĩo ũla waĩlĩte?
Inyw'ĩ andũ nĩmũsilanasya andũ na ũw'o?
2Aiee, ngoonĩ syenyu mũvangaa kwĩka maũndũ mathũku,
na kũete kĩthokoo ĩũlũ wa nthĩ.
3Ala athũku methĩawa me au o na kuma kũsyawa kwoo,
maneenaa ũvũngũ kuma mũthenya wa kũsyawa kwoo.
4Sumu woo ũilyĩ sumu wa nzoka,
mailyĩ ta nzoka ya kĩko ĩtew'aa nthĩ,
ĩla ĩlindaa matũ mayo,
5nĩ kana ndĩkew'e wasya wa mũndũ ũla ũvoovasya nzoka,
o na amĩvoovya na ũĩ mwingĩ.
6Ame Ngai tũla maeo ala me makanyw'anĩ moo,
ame Mwĩai Ngai kũa maeo ma mĩnyambũ ĩsu ya mũika.
7Nĩmae ta kĩw'ũ kĩla kĩtheeaa kĩkavĩtũka,
yĩla makoota mbũta syoo, maangi moo nĩmatuvae.
8Methĩwe mailyĩ ĩusya yĩla yĩtwekaa yĩendete,
na ta kana kasyaĩtwe ke kakw'ũ katesaa kwona syũa.
9Matanamba kũmanya makeengwa mavalũke ta ĩia;
Ngai akamaũlũkya na kĩlingi ũthatunĩ wake me o thayũ.
10Ala alũngalu makatana yĩla meona eki ma naĩ maiĩvanĩw'a;
makakinyangĩla nthakamenĩ ya ala athũku.
11Nĩvo ĩndĩ andũ meneena na kwasya,
“Kwa w'o ve ĩtuvi ya ala alũngalu;
kwa w'o ve Ngai ũla ũsilĩlaa nthĩ.”
Currently Selected:
Sav 58: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
