Sav 57
57
Mboya ya Kũkũlya Ũtethyo kuma kwa Ngai
Kwa mwinĩthya: Savulĩ ĩno yaandĩkiwe nĩ Ndeviti. Amĩandĩkie yĩla wasembie akĩĩte Saũlo athi kwĩvitha ngunganĩ
1 #
1Sam 22.1; 24.3 Mbĩw'ĩe tei ame Ngai, mbĩw'ĩe tei,
nĩkwĩthĩwa thayũ wakwa wĩvithaa nthĩnĩ waku.
Ngeevitha muunyĩnĩ wa nthwau syaku,
mũvaka monyamao aa mavĩte.
2Nĩnĩkaĩlaa Ngai, Ngai Ũla wĩ Ĩũlũ Mũno,
Ngai ũla wĩanĩasya mavata makwa.
3Ngai e ĩtunĩ nũnzũngĩaa na kũndangĩĩa;
nũtumaa ala manthĩnasya masindwa.
Sela
Ngai akambendaa na wendo wake ũtaolekaa,
na akeethĩwa e mũĩkĩĩku kũla nĩĩ.
4Thayũ wakwa wĩ katĩ wa mĩnyambũ;
nĩvalũkĩte katĩ wa nyamũ iĩsaa andũ;
andũ me na maeo mailyĩ matumo na maangi,
ala nĩmĩ syoo iilyĩ mbyũ mbũĩ.
5Ame Ngai taĩwa ĩũlũ ĩtunĩ,
na ũkumyo waku wĩthĩwe ĩũlũ wa nthĩ.
6Amaitha makwa nĩmaseũvĩtye mũteo mangwatye;
ndi na wĩkwatyo.
Nĩmenzĩte ĩima nzĩanĩ yakwa nĩlike vo,
ĩndĩ nĩmo malikĩte vo.
Sela
7Ame Ngai thayũ wakwa nĩwĩlũmĩtye;
thayũ wakwa nĩwĩlũmĩtye.
Ngaina na ũkũtaĩa.
8Amũka thayũ wakwa!
Amũkai ngitaa nene na ngitaa nini!
Nakwa ngaamũka syũa yĩtanamba kuma.
9Ame Mwĩai Ngai ngakũtũngĩa mũvea andũnĩ onthe;
ngakwinĩa mbathi sya ũkũtaĩa andũnĩ onthe.
10Nũndũ wendo waku ũtaolekaa nĩ mũnene, ũvikĩte matunĩ,
na ũĩkĩĩku waku ũvikĩte matunĩ.
11Ame Ngai taĩwa ĩũlũ ĩtunĩ,
na ũkumyo waku wĩthĩwe kĩla vandũ ĩũlũ wa nthĩ.
Currently Selected:
Sav 57: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
